r21.fssp.gov.ru сӑнӳкерчӗкӗ

Чӑваш Енри суд приставӗсем икӗ ҫул каяллах леш тӗнчене ӑсаннӑ ҫынтан парӑм шыраса илме ӗмӗтленнӗ. Тӗрӗсрех каласан, исполнительнӑй производствӑна чарса лартман.

Кӑлтӑка Етӗрне районӗнчи прокуратура тупса палӑртнӑ. Надзор органӗнче тӑрӑшакансем вилнӗ ҫынпа ҫыхӑннӑ ӗҫ районти суд приставӗсем патӗнче пулнине тупса палӑртнӑ. Куҫне икӗ ҫул каяллах хупнӑ ҫыннӑн парӑмне татма тивӗҫ ҫывӑх ҫыннисем пулман.

Ҫавӑн хыҫҫӑн прокуратура Федерацин айӑплава пурнӑҫа кӗртессипе ӗҫлекен службин Чӑваш Енри управленийӗн ертӳҫи ячӗпе асӑрхаттару хучӗ шӑрҫаланӑ.

#пӑтӑрмахсем, #приставсем, #прокуратура, #Етӗрне районӗ