phonoteka.org сӑнӳкерчӗкӗ

Ҫӗмӗрле районӗнче пурӑнакан пӗр ҫамрӑк энергетика предприятийӗн Хакас Республикинчи филиалне тапӑннӑ.

18 ҫулти яш компьютерти информацие хӳтӗлекен хатӗрсене ятарлӑ программӑпа усӑ курса тапӑннӑ.

Сиенлӗ компьютер программипе айкашнӑ каччӑ тӗлӗшпе Ҫӗмӗрлери прокуратура пуҫиле ӗҫ пуҫарнӑ. Ӑна РФ Пуҫиле кодексӗн 273-мӗш статйин 1-мӗш пайӗпе явап тыттарма йышӑннӑ. Сӑмах май каласан, каччӑ унччен те ҫавӑн пек хӑтланнӑ. Унччен ӑна пӗрре явап тыттарнӑ-ха. Хальхинче яша тӗрмене хупса хумасӑр ирӗкрен 1 ҫул та 6 уйӑхлӑха хӑтарма йышӑннӑ.

#Хакас Республики, #Ҫӗмӗрле, #ҫамрӑксем, #пӑтӑрмахсем, #прокуратура