googleweblight.com сайтри сӑн

Хальхи вӑхӑтра Шупашкарти троллейбус управленийӗ йывӑр лару-тӑрура. Шупашкарти энергосбыт компани умӗнче вӑл 100 миллион ытла тенкӗ парӑмра.

Йывӑр лару-тӑрӑва шута илсе Чӑваш Ен Правительств ӑна субсиди парса пулӑшӗ. ЧР Элтеперӗ Олег Николаев Финанс министерствине 95 миллион тенкӗ субсиди уйӑрас ыйтӑва татса пама хушнӑ. 80 проценчӗ – ЧР Министрсен Кабинечӗн резерв фондӗнчен, 20 проценчӗ – хула хыснинчен.

Ку укҫапа троллейбус управленийӗ парӑма татӗ.

#укҫа-тенкӗ, #Министрсен Кабинечӗ, #субсиди, #троллейбус управленийӗ, #Шупашкар, #парӑмсем, #Элтепер