chuvashia.sledcom.ru сӑнӳкерчӗкӗ

РФ Следстви комитечӗн Чӑваш Енри управленийӗн ӗҫченӗсем тӗрмере ларакан ҫын тӗлӗшпе пуҫиле ӗҫ пуҫарнӑ. 34 ҫулти арҫын айӑплава юсанмалли колонире ирттернӗ вӑхӑтра учреждени ӗҫӗн йӗркине пӑсма тӑнӑ тесе шухӑшлаҫҫӗ. 34 ҫулти арҫын тӗлӗшпе РФ Пуҫиле кодексӗн 321-мӗш статйин 2-мӗш пайӗпе килӗшӳллӗн пуҫиле ӗҫ пуҫарнӑ.

Лапсарта вырнаҫнӑ тӗрмере (официаллӑ хутсенче ӑна юсанмалли колони теҫҫӗ-ха. Лапсарти 1-мӗш номерлӗ шутланать) ларакан кӑҫалхи кӑрлач уйӑхӗн 20-мӗшӗнче уҫӑлма тухнӑ чух хӑйӗнпе йӗрке хуралҫи пынишӗн тарӑхса кайнӑ. Пакунлине вӑл кӑкӑрӗ тӗлӗнчен алӑпа икӗ хутчен тӗксе ларнӑ, лешӗ сулӑнса кайса стенпа ҫумне пырса ҫапӑннӑ.

#пӑтӑрмахсем, #тӗрмесем, #пуҫиле ӗҫсем, #тӗпчевҫӗсем, #Следстви управленийӗ, #Лапсар