«МТС» компани Чӑваш Енри 18 яла, вӗсенчен 15-ӗшӗнче 600-тен сахалрах ҫын пурӑнать, 4G ҫыхӑнӑва ҫитернӗ.

Асӑннӑ сетьпе Йӗпреҫ районӗнчи Чӑваш Тимеш, Вырӑс Тимеш, Ленин Поҫҫолкки; Муркаш районӗнчи Отарккӑ, Шарпаш, Чуманкасси; Вӑрнар районӗнчи Отиккӑвӑ, Кӳстӳмӗр, Ершепуҫ; Патӑрьел районӗнчи Тутар Тимешӗ, Кӗҫӗн Шӑнкӑртам; Хӗрлӗ Чутай районӗнчи Сӗренкасси, Мӑн Этмен, Тумликасси ялӗсем усӑ курайӗҫ. Вӗсенче пурӗ 5 пин ытла ҫын пурӑнать.

Сете ҫавӑн пекех Улатӑр, Ҫӗмӗрле тата Канаш хулисенче сарнӑ. Тӗнче тетелне смартфон, планшет, модем е урӑх хатӗр урлӑ кӗрсен хӑвӑртлӑх ҫеккунтра 75 мегабитпа танлашать.

«МТС» компанин Чӑваш Енри пуҫлӑхӗ Артур Сизов пӗлтернӗ тӑрӑх, ҫулталӑк вӗҫлениччен тата тепӗр 23 тӑрӑха пысӑк хӑвӑртлӑхлӑ интернет ҫитермелле.

#Канаш, #Улатӑр, #Тумликасси, #Мӑн Этмен, #Сӗренкасси, #Хӗрлӗ Чутай районӗ, #Кӗҫӗн Шӑнкӑртам, #Йӗпреҫ районӗ, #Чӑваш Тимеш, #Ленин Поҫҫолкки; Муркаш районӗ, #Отарккӑ, #Вырӑс Тимеш, #Чуманкасси, #Шарпаш, #Вӑрнар районӗ, #Кӳстӳмӗр, #Отиккӑвӑ, #Ершепуҫ, #Патӑрьел районӗ, #Тутар Тимешӗ, #Ҫӗмӗрле, #ҫыхӑну