Нимӗҫ ортопечӗ, Зальцкоттен хулинчи Иосиф святой ячӗллӗ госпиталӗн тӗп тухтӑрӗ Марко Эзечиели Шупашкарти ӗҫтешӗсене хӑйӗн ӑсталӑхӗпе паллаштарнӑ, кунтах хайне евӗр операци тунӑ. Кун пирки «ПроГород Чебоксары» кӑларӑм хыпарлать.

Хайхи ҫӑлкуҫ пӗлтернӗ тӑрӑх, Марко Эзечиели Шупашкарта — иккӗмӗш хут. Хальхинче вӑл Чӑваш Енри тухтӑрсене пӗҫӗ шӑммине ҫӗнӗ меслетпе епле улӑштармаллине кӑтартнӑ. Ҫавӑн пекех вӑл Шупашкарти ортопедипе эндоротезировани центрӗн тухтӑрӗпе Вадим Яковлевпа пӗрле ҫамрӑк ҫынна операци тунӑ, каччӑн пӗҫӗ шӑммине эндопротезпа улӑштарнӑ. Вӑл ҫынна кӑлтӑксемсӗр ҫӳреме май парать.

Палӑртса хӑварни вырӑнлӑ пулмалла, тӗп хулари центр тухтӑрӗсем малашне хӑйсен ӗҫӗнче ҫак меслетпе усӑ курассине пӗлтернӗ.

#сывлӑх, #сывлӑх сыхлавӗ, #медицина, #пульницасем, #тухтӑрсем, #Германи