Хулара
vk.com/tsur21 видеовӗнчен илнӗ скриншотпа усӑ курнӑ Коммуналлӑ хуҫалӑх ӗҫченӗсем ӗҫлесе ҫитерейменни пирки ҫынсем тӗнче тетелӗнче тата Патшалӑх пулӑшӑвӗсен порталӗ урлӑ ҫийӗнчех пӗлтереҫӗ. Унта мӗн ҫырнисене Чӑваш Республикин Регион управленийӗн центрӗ сӑнаса тӑрать. Ҫул-йӗр ҫинчи лару-тӑру пирки Ҫӗнӗ ҫул умӗн 400 ытларах хутчен евитленӗ. Вӗсем пирки хула администрацине ҫийӗнчех пӗлтернӗ. Шупашкарта пурӑнакан Анастасия С., ав, сӑмахран, Бауман урамӗнчи чарӑнура картлашкана тасатса тӑманнишӗн кӑмӑлсӑрланнӑ. Татьяна М. вара 42-мӗш ача пахчипе 36-мӗш шкул хушшинчи Хевеш урамӗнчи тротурара тасатса тӑманни пирки систернӗ. Ҫынсем евитленине, Регион управленийӗн центрӗ ура ҫине тӑратнине кура коммуналлӑ хуҫалӑх ӗҫченӗсем ҫак тата ытти кӑлтӑка ҫийӗнчех пӗтернӗ. Хыпар ҫӑлкуҫӗ:
|
Хулара
t.me/vchuvashii сӑнӳкерчӗкӗ Паян Шупашкарта общежити ҫуннӑ. Вут-ҫулӑм Шевченко урамӗнчи 29-мӗш ҫуртра тухнӑ. Инкек кӑнтӑр кунӗнче сиксе тухнӑ. Иккӗмӗш хутра вырнаҫнӑ хваттер хыпса илнӗ. Инкек сиксе тухсан ятарлӑ службӑсем 9 хутлӑ ҫуртран 26 ҫынна, ҫав шутра 10 ачана, эвакуациленӗ. 17 ҫынна тухтӑр пулӑшӑвӗ кирлӗ пулса тухнӑ. Инкек вырӑнне тӗрлӗ служба ӗҫченӗсем пырса ҫитнӗ, ҫав шутра полиципе прокуратура таранах. Пушар сӑлтавне специалистсем палӑртӗҫ. Хыпар ҫӑлкуҫӗ:
|
Хулара
forum.na-svyazi.ru сӑнӳкерчӗкӗ Ӗнер, кӑрлач уйӑхӗн 3-мӗшенче, Шупашкарти нумай хутлӑ хӑш-пӗр ҫуртри хваттерсем ӑшӑсӑр тӑрса юлнӑ. Унта пурӑнакансен телейне, вӑхӑтлӑха. Хулан ҫӗнӗ кӑнтӑр микрорайонӗнчи темиҫе теҫетке ҫурта ӑшӑ пама пӑрахнӑ. Ҫав 76 ҫурт Трактор тӑвакансен проспектӗнче, Ленинла Комсомол тата Кадыков урамсенче вырнаҫнӑ. Хулара пурӑнакансене пӗрлехи диспетчер службинче ӑнлантарса панӑ тӑрӑх, ӑшӑ сечӗ сиенленӗ. Ҫавна май ҫуртсенче ҫӗрӗпех ашӑ пулман, ир енне хваттерсем ӑшӑ ҫитнӗ. Хыпар ҫӑлкуҫӗ:
|
Хулара
cap.ru сӑнӳкерчӗкӗ Шупашкар хула администрацийӗ раштав уйӑхӗн вӗҫӗнче Тӑван ҫӗршыв вӑрҫин ветеранӗн Михаил Сорокинӑн хваттерӗнче юсав ӗҫӗсем тунӑ. Кун валли 403,4 пин тенкӗ тӑкакланӑ. Михаил Сорокин 97 ҫулта. Вӑл вӑрҫа хутшӑннӑ, Хусан хӳтӗлев чиккине чавнӑ. Вӑл мӑшӑрӗпе икӗ ывӑл ӳстернӗ. Администраци уйӑрнӑ укҫапа ветеранӑн хваттерӗнче стенасене ҫӗнетнӗ, линолеум сарнӑ, обой ҫыпӑҫтарнӑ, алӑксемпе чӳречесене улӑштарнӑ. Ҫавӑн пекех ҫӗнӗ сантехника, газ плити лартнӑ. Хыпар ҫӑлкуҫӗ:
|
Хулара
ШӖМ тунӑ сӑн Шупашкарти ҫулсем ҫинче Хӗл Мучие тӗл пулма пулать. Вӑл водительсене хӑйӗн патакӗпе чарать те ҫул-йӗр правилисене пӑснипе пӑсманни пирки кӑсӑкланать. Ҫапла, ку Хӗл Мучи – полицейски. Ҫак Хӗл Мучи ҫунапа мар, машинӑпа ҫӳрет. Руль умӗнче те хӑйех. Вӑл водительсене ҫул-йӗр правилисене аса илтерет, хулленрех ҫӳремелли пирки асӑрхаттарать. Машинӑра ача пур тӑк Хӗл Мучи ӑна парне парать. Паллах, куншӑн шӑпӑрлан сӑвӑ каласа савӑнтарать. Хыпар ҫӑлкуҫӗ:
|
Хулара
"Лиза Алерт" сайтри сӑн Шупашкарта тӑваттӑмӗш кун ӗнтӗ 16 ҫулти Митрофанова Вера Витальевнӑна шыраҫҫӗ. Вӑл раштав уйӑхӗн 26-мӗшӗнченпе килте пулман. Вера 170 сантиметр ҫӳллӗш, вӑтам пӳ-силлӗ. Ҫав кун сӑрӑ куртка, хура шӑлавар, хура пушмак, сӑрӑ калпак тӑхӑннӑ пулнӑ. Хӑйӗнпе пӗрле кӗрен кутамкка илнӗ. Вера Митрофанова пирки мӗн те пулин пӗлсен ҫак номерсемпе шӑнкӑравлама ыйтаҫҫӗ: 8(800)700-54-52, 112 е 89276667768. Хыпар ҫӑлкуҫӗ:
|
Хулара
ҪҪХПИ архивӗнчи видео скринӗ Паян, раштавӑн 29-мӗшӗнче, ирхи 7 сехет ҫурӑра Шупашкарти Калинин тата Радонежский урамӗсем хӗресленнӗ вырӑнта 15 ҫулти хӗрачана машина ҫапса кайнӑ. Вӑл ун чухне ҫул урлӑ каҫнӑ. Хӗрача "зебра" урлӑ утнӑ вӑхӑтра ун ҫине "Лада Гранта" пырса кӗнӗ. Унӑн пӗҫҫи суранланнӑ. Ӑна пульницӑна илсе ҫитернӗ. Хыпар ҫӑлкуҫӗ:
|
Хулара
lenin.cap.ru сӑнӳкерчӗкӗ Пысӑк хуласенче пурӑнакансем машинӑсене ниҫта лартма аптӑрани час-часах пулать. Ятарлӑ парковкӑсем ҫывӑхра мар, кашни килсерен тенӗ пек автомобиль. Уйрӑмах сӗмсӗррисем нумай хваттерлӗ ҫурт умӗнчи лаптӑка хӑйсем тӗллӗн ярса илеҫҫӗ. Ҫав вырӑнта машина номерне ҫырса ҫакса хураҫҫӗ, тӗрлӗ майпа (кивӗ кустӑрма хурса, тимӗртен карта тытса) паллӑ тӑваҫҫӗ. Шупашкарти Эгер бульварӗнчи, Кӑкшӑм, Хусанкай урамӗсенчи, 9-мӗш пилӗкҫуллӑх проспектӗнчи ҫавӑн пек картасемпе кустӑрмасене, машина номерӗсене ҫырса ҫакса хунисене хулари яваплӑ службӑсем сӳтсе тиесе кайнӑ. Хыпар ҫӑлкуҫӗ:
|
Хулара
"Чаваш Ен" ПТРК тунӑ видео скринӗ Шупашкарта пурӑнакан 12 ҫулти Володя Майоров юр тасатмалли машинӑпа ярӑнса курма ӗмӗтленнӗ. Вӑл мӗн пӗчӗкренех техникӑпа кӑсӑкланать. Унӑн ӗмӗтне РФ Президенчӗн Атӑлҫи федераци тӑрӑхӗнчи тулли праваллӑ элчи Игорь Комаров пурнӑҫланӑ. Володя патне Хӗл мучипе Юрпике килнӗ, Ҫӗнӗ ҫулпа саламласа пылак парне панӑ. Унтан КамАЗ водителӗ ачана кабинӑна лартнӑ. Ҫапла Володя юр мӗнле тасатнине паллашма пултарнӑ. Володя хӑй те, унӑн амӑшӗ те Елена Майорова питӗ савӑннӑ. Амӑшӗ «Ӗмӗтсен чӑрӑшӗ» питӗ лайӑх акци пулнине палӑртнӑ. Хыпар ҫӑлкуҫӗ:
|
Хулара
forum.na-svyazi.ru сайтри сӑн Шупашкарти 43-мӗш маршрутпа ҫӳрекен микроавтобус пассажирӗсен йышӗнче Хӗл Мучи пулнӑ. Вӑл салонри ҫынсене канфетпа хӑналанӑ. Лешсем вара ӑна юрӑ юрласа, сӑвӑ каласа панӑ. Кун пирки «Ҫыхӑнура» портал пӗлтерет. Сӑмах май, Ҫӗнӗ ҫул умӗн «Победа» авиакомпани Хӗл Мучин тата Юр пикен тумӗпе килнӗ пассажира самолетпа тӳлевсӗрех вӗҫме ирӗк парассине пӗлтернӗ. Ку акци раштавӑн 31-мӗшӗнче пуҫланӗ те кӑрлачӑн 2-мӗшӗнче вӗҫленӗ. Тӳлевсӗр вырӑнсене пушӑ вырӑн пулсан кӑна параҫҫӗ. Хыпар ҫӑлкуҫӗ:
|
Шупашкарта ҫывӑх вӑхӑтра (29.09.2024 03:00) тӗтреллӗ ҫанталӑк, атмосфера пусӑмӗ 757 - 759 мм, 16 - 18 градус ӑшӑ пулӗ, ҫил 5-7 м/ҫ хӑвӑртлӑхпа кӑнтӑр енчен вӗрӗ.
| Иван Мучи, чӑваш ҫыравҫи ҫуралнӑ. | ||
| Виноградов Нестор Петрович, Чӑваш АССРӗн тава тивӗҫлӗ артисчӗ вилнӗ. | ||
Пулӑм хуш... |