Хулара
orbsteppe.ru сайтри сӑн Шупашкарти арҫын патне мессенджерта "банкӑн хӑрушсӑрлӑх службин ӗҫченӗ" шӑнкӑравланӑ. Хайхискер такам унӑн ячӗпе кредит илме пуҫланине пӗлтернӗ. Вӑл ӑна кредита маларах илме, укҫана хӑрушсӑр счет ҫине куҫарма сӗннӗ. Ҫавӑнтах "йӗрке хуралҫи" калаҫӑва хутшӑннӑ, информацие ют ҫынсем пӗлнине каланӑ. Арҫын телефон номерне ведомство сайтӗнчипе танлаштарнӑ. Унтан кредит илнӗ. Укҫана куҫарма кайсан хайхискер йӗрке хуралҫине тӗл пулма сӗннӗ. Лешӗ ӗҫ нумай тесе килӗшмен. Кун хыҫҫӑн арҫын иккӗленме тытӑннӑ, сайтри номерпе шӑнкӑравланӑ. Вӑл тинех ултавҫӑсемпе калаҫнине ӑнланнӑ. Хайхискер палламан ҫынна чутах 1 миллион та 782 пин тенкӗ куҫарса паман вӗт. Хыпар ҫӑлкуҫӗ:
|
Хулара
ШӖМ тунӑ сӑн Шупашкарта пурӑнакан ҫемье халӑх тетелӗнче инвестицисемпе укҫа ӗҫлесе илме пулӑшакан реклама курнӑ. Кун хыҫҫӑн вӗсем 800 пин тенкӗсӗр юлнӑ. Рекламӑна курсан хӗрарӑм телефон номере хӑварнӑ. Кӗҫех унпа суя брокер ҫыхӑннӑ. Вӑл каланипе хӗрарӑм темле счетсем ҫине укҫа куҫарнӑ. Хайхискерӗн тупӑшӗ те ӳснӗ. Паллах, ку суя пулнӑ. Хӗрӑм тупӑша илме тӑрсан паллламан ҫын тепӗр 800 пин тенкӗ куҫарнӑ. Хыпар ҫӑлкуҫӗ:
|
Хулара
Шупашкарти 35-мӗш маршрутпа ҫӳрекен автобус ҫулне вӑрӑмлатӗҫ. Ҫакна хула ҫыннисем тума ыйтнӑ. Шупашкарти транспорт сетьне аталантарас тата ҫул-йӗр хӑрушсӑрлӑхӗ енӗпе ӗҫлекен комисси ыйтӑва тивӗҫтернӗ. Ҫапла "Унивеситет" микрорайонта автобус "Вӑрман" ятлӑ чарӑну таран ҫитӗ. Интервал пысӑк ан пултӑр тесе маршрута ытларах автобус кӑларӗҫ. Хыпар ҫӑлкуҫӗ:
|
Хулара
Юрий Коновалов сӑнӳкерчӗкӗ Шупашкарти Хӗрлӗ тӳремре крокус чечекленни пирки ҫак кунсенче хулари ҫынсем халӑх тетелӗнче тата тӗрлӗ формура ҫырма, сӑнӳкерчӗксем вырнаҫтарма тытӑнчӗҫ. Анчах илемпе киленме пур ҫын та пӗлмест иккен. Маргарита Красотина журналист халӑх тетелӗнчи хӑйӗн страницинче пӗлтернӗ тӑрӑх, чечексен пӗр пайне таптаса, теприне чечек ҫыххи валли тӑпӑлтарса пӗтернӗ. Унран та ытларах — авалхи кивӗ ҫуртсемпе паллаштаракан, оргкантӑкран хатӗрленӗ проектӑн пӗр секцине ватнӑ. Хыпар ҫӑлкуҫӗ:
|
Хулара
Шупашкарти Гагарин кӗперӗ, чи аялти пайӗ, арканма пуҫланӑ. Тӳре-шара вырӑна ҫитсе тӗрӗсленӗ. Кӗпере тӗплӗн тӗрӗслеме палӑртнӑ. ЖКХ тата хула хӑтлӑхӗ тӗлӗшпе ӗҫлекен управлени директорӗ пӗлтернӗ тӑрӑх, ӑна ҫитес эрнере кӑна юсама пуҫлӗҫ. Хула администрацийӗн пуҫлӑхӗ Денис Спирин каланӑ тӑрӑх, малтан Октябрь кӗперне юсама плана кӗртнӗ пулнӑ. Ун хыҫҫӑн кӑна – Гагарин кӗперне. Анчах 2025 ҫулти планра та Гагарин кӗперӗ ҫук. Хыпар ҫӑлкуҫӗ:
|
Хулара
cheb-centr.soc.cap.ru сайран илнӗ сӑнӳкерчӗк Шупашкар хулинчи халӑхӑн социаллӑ ыйӑвӗсене тивӗҫтерекен комплекслӑ центрта «Ҫуркунне варкӑшӗ» курав уҫӑлнӑ. Унта хулари кинемейсем вӗт шӑрҫаран ӑсталанӑ шӑрҫасем, мӑй ҫыххисем, сулӑсемпе брошьсем вырӑн тупнӑ. «Ытарйми илем!» – хавхаланса та тӗлӗнсе палӑртнӑ кураври илемпе паллашнӑ май 73 ҫулти Людмила Тимошкина. Шӑрҫаран ҫавӑн пек илем ӑсталама ватӑсем социаллӑ центрта вӗренеҫҫӗ. Маларах асӑнса хӑварнӑ Людмила Николаевна хӑй те ылтӑн алӑллӑ. Унччен вӑл ҫыхнӑ та, вӗт шӑрҫапа та аппаланнӑ. Юлашки вӑхӑтра, хӑй калашле, ҫын хатӗрленӗ илемпе киленме кӑмӑллать. Анчах ҫакӑ тивӗҫлӗ канури хӗрарӑм кахалланнӑран мар — Людмила Николаевна кӗнеке вулама юратать. Хыпар ҫӑлкуҫӗ:
|
Хулара
cap.ru сайтри сӑн Кӗҫех, ака уйӑхӗн 15-мӗшӗнче, Шупашкарта ял хуҫалӑх ярмӑрккисем ӗҫлеме пуҫлӗҫ. Экономика аталанӑвӗн министерстви пӗлтернӗ тӑрӑх, ун валли 20 лапам хатӗрленӗ. «Ҫуркунне» ял хуҫалӑх ярмӑрккисем тӗп хулара виҫӗ ҫӗрте ӗҫлӗҫ: «Николаевски» суту-илӳ комплексӗ, «Ҫурҫӗр» суту-илӳ комплексӗ умӗнче, «Шупашкар» суту-илӳ комплексӗ умӗнче. Ярмӑрккӑ пӗлтӗрхи тухӑҫа сутса пӗтерме май парать. Унта сухан, кишӗр, помидор, хӑяр, аш-какай, сӗт юр-варӗ, кӗрпе таврашӗ, пыл тата ыттине сутма пулать. Суту-илӳ вырӑнӗсемпе тӳлевсӗр тивӗҫтернӗрен продукци хакӗ те пӗчӗкрех пулӗ. Хыпар ҫӑлкуҫӗ:
|
Хулара
"Про Город" архивӗнчи сӑн Паян 11 сехет те 20 минутра Шупашкарта «Ҫеҫпӗл» чарӑнуран пуҫласа «Афанасьев урамӗ» чарӑну таран троллейбус линийӗ ҫинче авари пулнӑ. Ҫавна май троллейбуссем вӑхӑтлӑха ҫӳреймен. Вырӑна техпулӑшу машини килнӗ. Вӑл троллейбуссене куҫарма пулӑшнӑ. Пӗр троллейбуса вара, 18-мӗш маршрутпа ҫӳрекенскере, водитель тата пассажирсем тӗксе куҫарнӑ. Ку хыпара «Про Город» хаҫата халӑх корреспонденчӗ пӗлтернӗ. Хыпар ҫӑлкуҫӗ:
|
Хулара
chuvbook.ru сайтри сӑн Чӑваш кӗнеке издательстви "Шупашкар. Чебоксары" открыткӑсен пуххине кӑларнӑ. Унта - 24 открытка. Кашнин ҫине Шупашкарти илемлӗ вырӑнсене суйласа сӑнланӑ. Вӗсем ҫинче Мускав ҫыранне, Шупашкарӑн тӗп урамӗсене, каҫхи хулана курма пулать. Открыткӑн пӗр енче хулари вырӑн пирки, сӑнӳкерчӗк авторне ҫырса кӑтартнӑ. Хыпар ҫӑлкуҫӗ:
|
Хулара
9111.ru сайтри сӑн Шупашкарта вытрезвитель пуласси пирки пӗлтернӗччӗ. Ун чухне ӑна хӑш вырӑнта тӑвасси паллӑ марччӗ. Халӗ ҫав ҫурт валли вырӑн суйланӑ. Вӑл Васкавлӑ медпулӑшу пульници ҫумӗнче пулӗ. Вытрезвителе ача-пӑча уйлӑхӗсене тунӑ пек хӑвӑрт хӑпартмалли конструкципе хута ярӗҫ. Палӑртмалла: ҫулсерен медицина учрежденийӗсене 3,5-5,5 пин ӳсӗр ҫын лекет. Вӗсенчен 0,5 процентне ҫеҫ медпулӑшу кирлӗ. Хыпар ҫӑлкуҫӗ:
|
Шупашкарта ҫывӑх вӑхӑтра (10.01.2025 15:00) пӗлӗтлӗ ҫанталӑк, атмосфера пусӑмӗ 757 - 759 мм, 0 - -2 градус сивӗ пулӗ, ҫил 2-4 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.
| Скворцов Юрий Илларионович, чӑваш ҫыравҫи, сӑвӑҫи ҫуралнӑ. | ||
Пулӑм хуш... |