|
Ҫул-йӗр
 chgtrk.ru сайтри сӑн Шупашкарта кӗҫех ҫӗнӗ маршрут хута ярӗҫ. Вӑл 13-мӗш номерлӗ пулӗ. Маршрут Улатӑр ҫулӗпе ЖБК-9 ҫыхӑнтарӗ. Йышӑнӑва ЧР Элтеперӗ Олег Николаев алӑ пуснӑ ӗнтӗ. Кун пек маршрута уҫма хула ҫыннисем ыйтнӑ. Владимир тӑвӗ ҫывӑхӗнче ҫӗнӗ ҫурт хута янипе унтан иртсе ҫӳрекен автобуссем кирлине палӑртнӑ вӗсем. 13-мӗш маршрут уҫӑлсан та ытти автобус линире ҫав схемӑпах ӗҫлӗ. Хыпар ҫӑлкуҫӗ:
|
|
Ҫул-йӗр
 cap.ru сӑнӳкерчӗкӗ Ҫитес ҫул Шупашкартан Калининграда самолётсем вӗҫме пуҫлама пултарассине эпир унччен пӗлтернӗччӗ-ха. Халӗ тата тепӗр хыпар пур. «Икар» авиакомпани Чӑваш Енӗн Транспорт тата ҫул-йӗр хуҫалӑхӗн министерствинчен Шупашкартан Калининграда тӳрӗ авиарейс уҫма ыйтнӑ. Вӑл пассажирсене 2025 ҫулхи ҫу уйӑхӗн 1-мӗшӗнчен пуҫласа авӑн уйӑхӗн 30-мӗшӗччен, эрнере икӗ хут турттарасшӑн иккен. Вӗҫеве субсидилекен программӑна кӗртме ыйтса «Икарсӑр» пуҫне тата тепӗр виҫӗ авиакомпани тухнӑ: – «Северный Ветер» (чӑв. Ҫурҫӗр ҫилӗ) Сочие турттарма, – «ЮВТ» – Нижневартовска, – «Азимут» – Минеральные Воды тата Сургут хулисене. Заявкӑсене раштав уйӑхӗн 30-мӗшӗччен пӑхса тухӗҫ, хӑш авиакомпани ҫӗнтернине 10-12 кун хушшинче пӗлтерӗҫ. Хыпар ҫӑлкуҫӗ:
|
|
Ҫул-йӗр
 "Контактри" сӑн Шупашкарти Лапсар тӑкӑрлӑкӗнчи асфальт ҫула, 5 ҫухрӑма, икӗ тапхӑрпа юсӗҫ. Ҫапла пӗлтернӗ ЧР Транспорт министерстви. Ҫула тӗплӗн юсама 2 миллиарда яхӑн тенкӗ кирлӗ. Финанс министрӗ Михаил Ноздряков пӗлтернӗ тӑрӑх, 2025-2026 ҫулсенче пӗр пайне ҫӗнетӗҫ. Кун валли хыснаран 753 миллион тенкӗ пӑхса хунӑ. Иккӗмӗш пайне 2026-2027 ҫулсенче туса пӗтерӗҫ. Хыпар ҫӑлкуҫӗ:
|
|
Ҫул-йӗр
 Кандинский нейросеть сӑнӳкерчӗкӗ «Раҫҫейӗн чукун ҫулӗсем» организаци ҫул укҫине хаклатассине пӗлтернӗ. Билет хакӗ раштав уйӑхӗн 1-мӗшӗнчен ӳсӗ. Плацкарт пуйӑспа тата пӗтӗмӗшле вакунпа инҫе ҫула тухакансен хальхинчен 11,6 процент ытларах тӑкакланма тивӗ. Чукун ҫулпа груз турттаракансен те ытларах тӳлеме лекӗ. Пурӗ 13,8 процент. Хыпар ҫӑлкуҫӗ:
|
|
Ҫул-йӗр
 ru.freepik.com Шупашкарти тата Ҫӗнӗ, Шупашкарти пассажир маршручӗсем ҫинче улшӑнусем пулӗҫ. Шупашкарта ҫӗнӗ маршрут уҫма палӑртнӑ. Вӑл 13-мӗш маршрут пулӗ. Малтанлӑха палӑртнӑ тӑрӑх, вӑл ЖБК-9 тата Улатӑр ҫулне ҫыхӑнтарӗ. 7Э, 7 тата 30-мӗш маршрутсене упраса хӑварӗҫ. Хыпар ҫӑлкуҫӗ:
|
|
Ҫул-йӗр
 "Контактри" сӑн Ырантан Елчӗк муниципаллӑ округӗнче «Елчӗк – Лаш Таяпа – Шӑмалак» маршрутпа автобус ҫӳреме пуҫлӗ. Ку ыйтӑва «Пӗрремӗш транспорт медиакомпанийӗн» директорӗпе Владимир Шашковпа сӳтсе явнӑ, ирхи, кӑнтӑрлахи тата каҫхи графике сӳтсе явнӑ. Юлашки чарӑну районти тӗп пульница умӗнче пулӗ. Хыпар ҫӑлкуҫӗ:
|
|
Ҫул-йӗр
 t.me/rian_ru каналтан илнӗ сӑнӳкерчӗк Паян, юпа уйӑхӗн 4-мӗшӗнче, пирӗн республикӑра ҫул ҫинче инкек пулса иртнӗ. Шупашкар ҫывӑхӗнчи Вӑрманкасси ялӗ ҫывӑхӗнче грузовикпа микроавтобус ҫапӑннӑ. Грузовик 242-мӗш маршрутпа хутлакан микроавтобус ҫине пырса кӗнӗ. Автобус салонӗнче 21 ҫын пулнӑ, 13-ӗн аманнӑ, ҫав шутра 13-ри тата 9-ти ачасем те пулнӑ. Шар курнисенчен хӑшӗсене пульницӑна ӑсатнӑ. Прокуратурӑра пӗлтернӗ тӑрах, маршрут автобусӗ чарӑнӑва ҫитнӗ чухне пассажирсене каҫса ҫӳремелли ҫул тӗлӗнче чарӑннӑ, ҫав вӑхӑтра ун ҫине груз турттаракан машина пырса кӗнӗ. Хыпар ҫӑлкуҫӗ:
|
|
Ҫул-йӗр
 pikabu.ru сӑнӳкерчӗкӗ Федерацин хӑрушсӑрлӑх службин погранподразделенийӗ Шупашкарти аэропортра ют ҫӗршыври рейссене йышӑнма хатӗр. Кун пирки республикӑн влаҫ органӗсен офицаллӑ порталӗнче пӗлтернӗ. Пассажирсемпе тиевсене тӗрӗслемелли пункта 2025 ҫул пуҫламӑшӗнче ӗҫлеттерсе ярасшӑн. Кун пирки Раҫҫейӗн Федерацин хӑрушсӑрлӑх службин Сарту тата Самар облаҫӗсенчи Пограничник управленийӗн пуҫлӑхӗ Юрий Урванов Чӑваш Ен Элтеперӗпе Олег Николаевпа тӗл пулсан пӗлтернӗ. Элтепер каланӑ тӑрӑх, ҫитес ҫул Шупашкартан Турцие авиайрессем уҫасшӑн. Хыпар ҫӑлкуҫӗ:
|
|
Ҫул-йӗр
 catcher.fish сайтри сӑн Йӗпреҫ муниципаллӑ округӗнче Кире юханшывӗ урлӑ хывнӑ кӗпере юсаса пӗтернӗ. Ӑна «Хӑрушсӑр тата пахалӑхлӑ ҫулсем» наци проекчӗпе килӗшӳллӗн тунӑ. Кӗпер ҫине плита хунӑ, гидроизоляцие улӑштарнӑ, ҫӗнӗ хӳтӗлев сийӗ тунӑ, диформациленнӗ ҫӗвӗсене ҫӗнетнӗ. Кунсӑр пуҫне кӗперпе ҫӳреме хӑрушсӑр пултӑр тесе перилӑсем лартнӑ. Хыпар ҫӑлкуҫӗ:
|
|
Ҫул-йӗр
 cap.ru сӑнӳкерчӗкӗ Авӑн уйӑхӗн 6-мӗшӗнчен, паянтан, «Шупашкар - Ҫӗньял-Покровски» маршрут ҫӳреме тытӑнать. Кун пирки ЧР Транспорт министерстви пӗлтерет. Тахҫан ку маршрут пулнӑ-ха, анчах тупӑш паманнипе перевозчик ӑна пӑрахӑҫланӑ. Халӗ ку ӗҫе ҫӗнӗ хуҫа илнӗ. Ӑна уҫӑ конкурссӑрах суйланӑ. Транспорт кунне 3 хут ҫӳрӗ: 6:10, 7:10 тата 16:30 сехетсенче (Бабушкин тӑкӑрлӑкӗнчи 8-мӗш «а» ҫурт патӗнчен тапранӗ). Ҫӗньял-Покровскинчен рейс 6:40, 7:40 тата 17:00 сехетсенче кайӗ. Хыпар ҫӑлкуҫӗ:
|
+8.3 °C