Синоптиксем пӗлтернӗ тӑрӑх, ҫанталӑк ытларах та ытларах кӗрхи евӗр пулса пырӗ. Паян ҫумӑрлӑ ҫанталӑк тӑрӗ, ҫил вӑйланӗ.
Вырсарникун вара уяртӗ, ҫил лӑпланӗ. Тунтикун ҫумӑр ҫума тытӑнӗ те ҫитес эрне тӑршшӗпех тенӗ пек чарӑнмӗ. Вырсарникун тата тунтикун ҫӗрле йӗпе юр ҫума пултарать. Ун чухне термометр 0 градус кӑтартӗ. Кунсӑр пуҫне вырӑнӑн-вырӑнӑн тӗтре карса илӗ, ҫак нӳрӗклӗхе пула ҫулсем пӑрлак пулма пуларӗҫ.
Малтанлӑха пӗлтернӗ тӑрӑх, чӳкӗн 1-2-мӗшӗсенче 5 сантиметр хулӑнӑш юр ҫуса лартма пултарать.
Вӑрман инспекторӗсем тата прокуратура ӗҫченӗсем патрульпе ҫӳренӗ вӑхӑтра Шӑмӑршӑ округӗнче Палтиел участок лесничествинче 6 тунката асӑрханӑ: хырсене тин кӑна такам каснӑ.
Тӑкака шутланӑ. Вӑл 63 пин ытла тенкӗпе танлашнӑ. Йывӑҫсене кам каснӑ? Ҫакна палӑртма материалсене полицие ярса панӑ. Вӗсен айӑплӑ ҫынсене тупса явап тыттармалла пулӗ.
ЧР Ҫутҫанталӑк министерстви аса илтерет: вӑрманти йывӑҫсене сиен кӳрсен РФ УКн 260-мӗш статйипе килӗшӳллӗн явап тыттараҫҫӗ.
«Ҫанталӑк 21» сайт хӗл мӗнле килессине палӑртнӑ. Паллах, ку прогноз кӑна. Пӗтӗмӗшле илсен, хӗллехи ҫанталӑк климат нормипе килӗшӳллӗн пулӗ.
Чӳк уйӑхӗнче нӳрӗк сахал пулӗ. Ҫапах 16 см хулӑнӑш юр ҫуса лартма пултарӗ. Раштав ытти чунехинчен ӑшӑрах килӗ, юр та нормӑран сахалрах ҫӑвӗ, унӑн хулӑнӑшӗ 21 сантиметра ҫитӗ. Ҫапах 30 градус сивӗ кунсем те пулӗҫ.
Кӑрлачра тата нарӑсра ӑшӑ, юрлӑ пулӗ. Нарӑсра юр хулӑнӑшӗ 41 сантиметра ҫитӗ. Кӑрлачра 25 градус сивӗ пулас шанчӑк – 80%, нарӑсра – 60%.
Пуш уйӑхӗнче каллех ҫуркунне ир килес шанчӑк пур. Уйӑх нормӑран 2 градус ӑшӑрах пулӗ, ҫумӑр сахалрах ҫӑвӗ. Ҫапах юр хулӑнӑшӗ 40 см пулӗ-ха. Анчах ака уйӑхӗн пуҫламӑшӗ тӗлне ирӗлсе пӗтме пултарать.
Синоптиксем малтанах пӗлтернӗ пекех, икӗ эрнене тӑсӑлнӑ «ылтӑн кӗркунне» вӗҫленнӗ.
Паян та кӑнтӑрла хыҫҫӑн ҫумӑр ҫӑвӗ. Ытларикун вара типӗ ҫанталӑк тӑрӗ. Эрне варринче каллех ҫумӑр ҫума тытӑнӗ, анчах – вырӑнӑн-вырӑнӑн кӑна. Ҫурҫӗр енчен сивӗ сывлӑш килнӗ май йӗпе юр е кӗрпе ҫума пултарать.
Пукрав иртрӗ. Апла ҫанталӑк та хӗл еннелле сулӑнать. Кӑнтӑрласерен 6-11 градус ӑшӑ пулӗ, ҫӗрлесерен 0 патнелле ҫывхарӗ. Ирсерен тӗтре карса илме пултарать.
Малтанлӑха пӗлтернӗ тӑрӑх, ҫитес эрнере сивӗтӗ, ҫӗрлесерен шӑнтма тытӑнӗ.
Синоптиксем пӗлтернӗ тӑрӑх, хӑш-пӗр региона тахҫанах циклон ҫитнӗ. Пире вара ку енӗпе ӑннӑ – халӗ те антициклон хуҫаланать.
Анчах вӑл пирӗн патран майӗпен кайма тытӑнӗ. Шӑматкун 13-18 градус ӑшӑ пулӗ. Вырсарникун вара кӗрхи ӑмӑр ҫанталӑк пирӗн пата та ҫитӗ. Ҫапах та кун ҫумӑрсӑр иртӗ.
Тунтикун ҫумӑр ҫума тытӑнӗ. Эрне тӑршшӗпех ӑмӑр ҫанталӑк тӑрӗ. Ҫил те вӑйланӗ. Кӑнтӑрласерен 7-9 градус ӑшӑ пулӗ, ҫӗрлесерен – 2-4 градус ӑшӑ.
Пӗр эрнерен пӗлӗтсен ҫӳллӗшӗнчи сывлӑш 5 градус таран сивӗнӗ, ҫавна май юр та ӳкме пултарӗ. Ҫапах хӗлле халех килмӗ. Малтанлӑха пӗлтернӗ тӑрӑх, сивӗ ҫанталӑк виҫҫӗмӗш декада варричченех пулӗ.
Иртнӗ эрнере синоптиксем уяр ҫанталӑк уйӑх варричченех тӑсӑлма пултарассине пӗлтерсе савӑнтарнӑччӗ те... Анчах магнит тӑвӑлне пула ҫанталӑк кӑшт улшӑнма тытӑннӑ иккен.
«Ҫанталӑк 21» сайт пӗлтернӗ тӑрӑх, уяр ҫанталӑка циклон хӗсме пуҫланӑ. Паян кӑнтӑрла хыҫҫӑн тата ҫӗрле ҫумӑр ҫӑвӗ.
Ҫапах эрне варринче ҫанталӑк лайӑхланӗ. Ытларикун пӗлӗтленӗ, хушӑран уяртӗ. Юнкун ирхине тӗтре карса илӗ, кӑнтӑрла хыҫҫӑн хӗвел тухӗ. Кӗҫнерникун каллех пӗлӗтленӗ, 12-17 градус ӑшӑ пулӗ.
Эрнекун ҫил вӑйланӗ, ҫумӑр ҫумӗ-ха. Канмалли кунсенче вара ҫумӑр пуҫланӑ – вӑл ҫитес эрне тӑршшӗпех чарӑнмӗ. Сывлӑш климат нормипе килӗшсе тӑрӗ: кӑнтӑрла – 8, ҫӗрле 2 градус ӑшӑ пулӗ.
Синоптиксем юпа уйӑхӗнче мӗнле ҫанталӑк пулассине хыпарланӑ. Паян ӑшӑ та типӗ ҫанталӑк тӑрать. Ахӑртнех, кун пек ҫанталӑк уйӑх варричченех тӑсӑлӗ. Кӑнтӑрласерен термометр 15 градус таранах кӑтартӗ, хӑш-пӗр вырӑнта – 18-20 градус таран.
Ҫитес икӗ эрнере ҫӗрлесерен шӑнтмӗ. Синоптиксем малтанлӑха палӑртнӑ тӑрӑх, юпан 17-мӗшӗнче ҫумӑр ҫума, сивӗтме пуҫлӗ. 17-18-мӗшӗсенче юр ҫума пултарать. 23-мӗшӗ хыҫҫӑн вара юр тата нумайрах ҫӑвӗ, уйӑх вӗҫнелле юр хулӑнӑшӗ 10 сантиметр таран пулма пултарать.
Кӗҫӗр республикӑра самая шӑнтнӑ. Синоптиксем пӗлтернӗ тӑрӑх, ҫитес икӗ каҫ та шӑнтӗ. Уйрӑмах — тунтикун каҫхине.
Синоптиксем паянтан ылтӑн кӗркунне пуҫланнине пӗлтереҫҫӗ, уяр ҫанталӑк тӑрӗ. Анчах кӗҫнерникун пӗлӗтленӗ, анчах ун хыҫҫӑн каҫсерен шӑнтма пӑрахӗ.
Эрнен иккӗмӗш ҫурринче республикӑна ӑшӑ килме пуҫлӗ, кӑнтӑрласерен 11-16 градус таран ӑшӑтӗ. Ҫил тӳлек вӗрӗ.
Синоптиксем малтанлӑха пӗлтернӗ тӑрӑх, ылтӑн кӗркунне вӑраха тӑсӑлма пултарӗ.
Чӑваш Енре Атӑла тасатмалли федераци программипе усӑ курса Ҫӗнӗ хулара тасатмалли сооружение халӗ те хута яманни пирки федераци шайӗнче каллех ыйту хускатнӑ.
Атӑла тата Байкала тасатмалли программӑсене вырӑнсенче епле пурнӑҫланине РФ Патшалӑх Думин депутачӗ Жанна Рябцева тӗрӗслет.
Чӑваш Ене 400 миллион тенкӗ уйӑрса панӑ иккен, анчах ӗҫе пурнӑҫламан. Жанна Рябцева укҫана вӑрланӑ тесе шухӑшлать.
Паян ҫуллахи пек ӑшӑ, анчах кӑштахран сивӗтӗ, йӗпе юр ҫума пултарӗ.
Ыран та паянхи пекех ӑшӑ пулӗ: термометр 21-26 градус кӑтартӗ, кӑнтӑр енчи районсенче вара – 30 градус таранах. Анчах ҫил вӑйланӗ.
Юнкун вара пӗлӗтленӗ, вырӑнӑн-вырӑнӑн ҫумӑр ҫӑвӗ, кӑнтӑрла 10-15 градус ӑшӑ пулӗ. Кӗҫнерникун термометр 8 градус кӑна ӑшӑ кӑтартӗ.
Эрнекунран ҫанталӑк пушшех те пӑсӑлӗ, ҫумӑр ҫума тытӑнӗ. Хушӑран вара йӗпе юр ҫӑвас хӑрушлӑх пур. Эрнекун ҫӗрле ҫӗр шуралма пултарать.
Синоптиксем пӗлтернӗ тӑрӑх, ҫанталӑк вӑрахлӑха сивӗтӗ. Канмалли кунсенче кӑнтӑрла та 4-9 градус кӑна ӑшӑ пулӗ, ҫӗрлесерен 0 патнелле ҫывхарӗ. Ҫил те вӑйланӗ. Ҫавна май тата сивӗрех пек туйӑнӗ.
+1.3 °C