Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Ҫын валли шӑтӑк ан алт, хӑвах кӗрсе ӳкӗн.
[ваттисен сӑмахӗ]
 

Хыпарсем: элтепер

Республикӑра
cheboksary.ru сайтри сӑн
cheboksary.ru сайтри сӑн

Чӑваш Енре медиацентр тӑвасшӑн. Хушӑва ЧР Элтеперӗ Олег Николаев алӑ пуснӑ. Унӑн учредителӗ ЧР Цифра министерстви пулӗ. Ӑна ӗҫлеттерсе ярас тесен республика хыснинчен хушма укҫа кирлӗ мар-мӗн.

Медиацентр хуҫатсем кӑларӗ, интернет-ресурссене аталантарӗ, контент хатӗрлесе ӑна сарӗ, медиасферӑна тишкерӗ.

Хальхи вӑхӑтра медиацентрӑн ертӳлӗх составне тата штат хисепне палартас енӗпе ӗҫлеҫҫӗ.

 

Персона
cap.ru сайтри сӑн
cap.ru сайтри сӑн

Канашри ШӖМ уйрӑмне ертсе пыракан полици полковникне Николай Ванина «ЧШ шалти ӗҫсен органӗсен тава тивӗҫлӗ ӗҫченӗ» ята панӑ. Хушӑва ЧР Элтеперӗ Олег Николаев утӑ уйӑхӗн 4-мӗшӗнче алӑ пуснӑ.

Николай Дмитриевич ҫак тытӑма 2021 ҫултанпа ертсе пырать. Унччен ШӖМӗн Шупашкарти 6-мӗш уйрӑмне ертсе пынӑ. Сӑмах май, пӗлтӗр вӑл Калашников автоматӗнчен перес енӗпе иртнӗ ӑмӑртура мала тухнӑ.

 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Паян, Республика кунӗнче, Шупашкартан Ҫӗнӗ Шупашкара ҫӳрекен пӗрремӗш троллейбус маршрут ҫине тухнӑ. Вӑл - 62-мӗш троллейбус.

Ҫак транспорт Ҫӗнӗ Шупашкарти «Иваново» микрорайонтан Шупашкарти Чапаев савучӗ таран ҫӳрӗ.

Троллейбуса ҫул ҫине кӑларнӑ чухне ЧР Элтеперӗ Олег Николаев та пулнӑ. Вӑл валидатора укҫа ярса билет туяннӑ.

 

Культура
dailyevent.ru/rossiya/den-respubliki-chuvashiya сӑнӳкерчӗкӗ
dailyevent.ru/rossiya/den-respubliki-chuvashiya сӑнӳкерчӗкӗ

Чӑваш Ен Элтеперӗ Олег Николаев Республика кунӗпе саламланӑ.

«Вӑл пирӗншӗн пурсӑмӑршӑн та, хӑйсен шӑпине ҫӗр пин юрӑ, ҫӗр пин тӗрӗ, ҫӗр пин сӑмах ҫӗршывӗпе ҫыхӑнтарнӑ ҫынсемшӗн, уйрӑмах паллӑ кун. Паян эпир хамӑрӑн республикӑна, унӑн кун-ҫулне, хальхи пурнӑҫӗпе пуласлӑхне чыслатпӑр. Чӑваш Енӗн хӑйне евӗрлӗхне па-лӑртакан культура еткерлӗхӗпе тӑван чӗлхене, йӑла-йӗркене сыхласа упрани тата аталантарни чӑннипех те пысӑк пӗлтерӗшлӗ», – тенӗ Элтепер.

 

Политика

Паян, Патшалӑх Канашӗн 30 ҫулхи юбилейӗнче, ЧР Элтеперӗ Олег Николаев икӗ ҫынна «Чӑваш Республики умӗнчи тава тивӗҫлӗ ӗҫсемшӗн» орден медалӗпе чысланӑ. Ҫак сумлӑ ята И.Н.Ульянов ячӗллӗ ЧПУ ректорӗ Андрей Александров тата Шупашкар районӗн тӗп пульницин тӗп тухтӑрӗ Владимир Викторов тивӗҫнӗ.

Иккӗшӗ те – Патшалӑх Канашӗн депутачӗ. Андрей Александров депутата 2016 ҫулта суйланнӑ, икӗ созывра пулнӑ. Владимир Викторов та ҫав ҫулах депутат пулнӑ, анчах ҫулталӑкран сывлӑх сыхлавӗн министрӗ пулнӑ. 2021 ҫулта депутата каллех суйланнӑ.

 

Республикӑра

Республика кунӗнче пирӗн пата сумлӑ хӑна килӗ. Вӑл – РФ спорт министрӗ Михаил Дегтярев.

Министр ЧР Элтеперӗпе Олег Николаевпа физкультура тата спорт тытӑмӗнчи ыйтусене сӳтсе явӗ. Уявра Шупашкарти «Волга» стадион, «Ҫӗнӗ хула микрорайонти пӑр катокӗ уҫӑлӗ. Министр унта пулӗ. Ҫавӑн пекех вӑл Маунтинбайк центрне кайса курӗ.

Сӑмах май, Михаил Дегтярев министр пуканӗ ҫине нумаях пулмасть ларнӑ: кӑҫал ҫу уйӑхӗн 14-мӗшӗнче ӗҫлеме пуҫланӑ.

 

Политика

ЧР Элтеперӗ Олег Николаев хушӑвӗпе килӗшӳллӗн, ЧР ял хуҫалӑх министрӗнче ӗҫленӗ Сергей Павлова «Ял хуҫалӑхӗн тава тивӗҫлӗ ӗҫченӗ» ята панӑ. Хальхи вӑхӑтра вӑл Россельхозцентрӑн филиалне ертсе пырать.

Сергей Павлов 2010-2015 ҫулсенче вице премьер – ял хуҫалӑх министрӗ пулнӑ, 2015-2106 ҫулсенче ҫутҫанталӑк ресурсӗсемпе экологи министрӗнче ӗҫленӗ. 2016 ҫулта ӑна ЧР Патшалӑх Канашӗн депутатне суйланӑ. Россельхозцентрӑн регионти филиалӗн ертӳҫинче вӑл 2021 ҫултанпа ӗҫлет.

 

Республикӑра

Запарожье облаҫӗнчи Бердянск районӗнчеи Азовское ялӗнче пурӑнакан Дарья Беспалова ЧР Элтеперӗн Олег Николаевӑн портретне кӑранташпа ӳкрнӗ. Халӗ хӗрача «Бригантина» уйлӑхра канать. Унпа пӗрле – тепӗр 42 ача.

Олег Алексеевич куншӑн питӗ савӑннӑ. «Ку хаклӑ та кӑмӑллӑ парне! Ҫамрӑк ӳнерҫе тав тӑватӑп, пултарулӑхра ӑнӑҫу сунатӑп!» - тесе ҫырнӑ Элтепер.

Сӑмах май, кӑҫал Шупашкарти «Бригантинӑра» Запорожье облаҫӗнчи 300 ача канӗ.

 

Республикӑра
dobro.press сайтри сӑн
dobro.press сайтри сӑн

Ҫак канмалли кунсенче Тӑвай округӗнче «Ялта чи лайӑххисем» агрослет иртнӗ. Кун пирки хыпарланӑччӗ.

Кӑҫалхи агрослет ҫамрӑксен асӗнче чылайлӑха юлӑ ахӑртнех. Тӑвай округӗнче пурӑнакан Даниил Кириллов савнине Викторийӑна агрослетра качча тухма ыйтнӑ. Хӗр хирӗҫлемен.

Пулас ҫамрӑк мӑшӑра ЧР Элтеперӗ Олег Николаев хӑйӗн Телеграм-каналӗнче саламланӑ. «Туй сирӗн пӗрлехи пурнӑҫра ҫутӑ та паллӑ кун пулса тӑтӑр, кил вучахӗ ӑшӑлӑхпа тултӑр», - тесе ҫырнӑ Олег Алексеевич.

 

Вӗренӳ

Кӑҫал Вӑрнарти 1-мӗш шкул ҫумӗнче хушма ҫурт тума тытӑнӗҫ. Унта тепӗр 400 ача валли вырӑн пулӗ.

Хальхи вӑхӑтра ку шкулта 863 ача вӗренет. Пӗлӳ ҫуртне 1920 ҫулта хута янӑ. Ӑна пысӑклатасси пирки 2021 ҫултах калаҫу пулнӑ. Нумаях пулмасть ЧР Элтеперӗ Олег Николаев кӑҫал утӑ уйӑхӗнче хушма ҫурт тума тытӑнасси пирки пӗлтернӗ. Ку ӗҫе 2025 ҫулта вӗҫлемелле.

Сӑмах май, ҫак шкула 2020 ҫулта тӗплӗ юсама тытӑнӑ. Анчах авӑнӑн 1-мӗшӗччен ӗлкӗреймен. Ҫавна май район администрацийӗн пуҫлӑхне отставкӑна янӑ. Элтепер хушша-хуппа кӗрсен шкула юпа уйӑхӗн валли уҫнӑ.

 

Страницӑсем: 1, 2, 3, 4, 5, 6, 7, 8, [9], 10, 11, 12, 13, 14, 15, 16, 17, 18, 19, ... 178
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.04.2025 15:00) пӗлӗтлӗ ҫанталӑк, атмосфера пусӑмӗ 738 - 740 мм, 13 - 15 градус ӑшӑ пулӗ, ҫил 7-9 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
кил-йышри арҫын
хӑнана ӑсатма никам та тухмасть
хуҫа арӑмӗ
пӗтӗм кил-йышпа тухаҫҫӗ
хуҫа хӑй
хуҫин ҫитӗннӗ ачисем
хуть те кам тухсан та