Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Мулкачӑн хӑлхи вӑрӑм та хӳри кӗске.
[ваттисен сӑмахӗ]
 

Хыпарсем: элтепер

Политика
cap.ru сайтри сӑн
cap.ru сайтри сӑн

ЧР Элтеперӗ Олег Николаев каллех «тӳрӗ лини» ирттерме палӑртнӑ. Хальхинче вӑл чӳк уйӑхӗн 28-мӗшӗнче каҫхи 6 сехетре пулӗ.

Ӑна Элтеперӗн телеграм-каналӗнче, «Контактри» унӑн страницинче, «Чӑваш Республики» сообществӑра, Наци телекуравӗпе курма, Наци радиовӗпе тата «Тӑван радиопа» итлеме май пулӗ. Ыйтусене Патшалӑх пулӑшӑвӗсен порталӗ урлӑ яма, пост-анонс айӗнче комментари хӑварма юрать.

Сӑмах май, юлашки хутчен «тӳрӗ лини» ҫурла уйӑхӗн 29-мӗшӗнче иртнӗ.

Хыпар ҫӑлкуҫӗ: https://t.me/oanikolaev/7288
 

Республикӑра
culture.ru сайтри сӑн
culture.ru сайтри сӑн

Ҫитес ҫул Тӑван ҫӗршывӑн Аслӑ вӑрҫи пӗтнӗренпе 80 ҫул ҫитнӗ май вӑрҫӑ ачисене укҫан хавхалантарассине ЧР Элтеперӗ Олег Николаев пӗлтернӗччӗ. Халӗ мӗн чухлӗ укҫа парасси паллӑ.

Ҫитес ҫул республикӑри 42 пине яхӑн вӑрҫӑ ачи 2-шер пин тенке тивӗҫӗ. Ҫак тӗллевпе хыснаран 83,7 миллион тенкӗ уйӑрӗҫ.

Сӑмах май, ҫак категорие кӗрекен ҫынсем валли уйрӑм тӳлев ҫук. Республикӑри 818 вӑрҫӑ ачин комманаллӑ тӑкакӗсен 25 процентне саплаштараҫҫӗ.

 

Ҫурт-йӗр
"Контактри" сӑн
"Контактри" сӑн

Канаш хулинче Красноармейски урамӗнчи пӗр ҫуртра халӗ те ӑшӑ ҫук. Унта пурӑнакансем электрохатӗрсемпе ӑшӑнаҫҫӗ.

Мӗншӗн ӑшӑ халӗ те ҫук? Ку ҫивӗч ыйту пирки Чӑваш Ен Элтеперӗ Олег Николаев та пӗлет.

РФ Следстви комитечӗн Чӑваш Енри следстви органӗсем Канаш хулин администрацийӗ служба тивӗҫӗсене кирлӗ пек пурнӑҫламан тесе пуҫиле ӗҫ пуҫарнӑ. Халӗ следстви пырать.

Хыпар ҫӑлкуҫӗ: https://vk.com/wall-143818234_4068969
 

Республикӑра
aleksandria-tour.ru сайтри сӑн
aleksandria-tour.ru сайтри сӑн

Кӑҫал республикӑра Ҫӗнӗ ҫула пысӑк та хаваслӑ мероприятисемсӗр, фейерверксӑр кӗтсе илӗҫ. Ҫапла пӗлтернӗ ЧР Элтеперӗ Олег Николаев.

Мероприятисем ытларах ачасем валли пулӗҫ. Вӗсемшӗн Ҫӗнӗ ҫул асамлӑ уяв пулмалла. Элтеперӗн елкине Запорожье облаҫӗнчи ачасене илсе килесшӗн. Шӑпӑрлансене парнесемпе савӑнтарӗҫ.

 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Ен Элтеперӗ Олег Николаев паянхи уявпа саламланӑ.

«Паян пирӗн ҫӗршывӑмӑр авалхи пысӑк пӗлтерӗшлӗ уява – Халӑх пӗрлӗхӗн кунне паллӑ тӑвать. Ҫак кунсенче 412 ҫул каялла халӑх ополченийӗ Мускава поляк интервенчӗсенчен ирӗке кӑларнӑ. Халӑхӑн хӑватлӑ вӑйӗ Раҫҫей пӗрлӗхне тавӑрнӑ тата унӑн никама пӑхӑнманлӑхне упраса хӑварнӑ.

Эпир хамӑрӑн йӑла-йӗркене ҫирӗп тытса пыратпӑр, паян та пирӗн ентешсем алла хӗҫ-пӑшал тытса Тӑван ҫӗршыв чиккисене паттӑррӑн хӳтӗлеҫҫӗ.

«Пурте пӗр ҫын пек – пурте пӗр шухӑшлӑ» – ҫакӑн пек пулнӑ 400 ҫул каярахри халӑх ополченийӗн йыхравӗ. «Эпир пӗрле», «Пӗрле» – тетпӗр эпир паян.

Хаклӑ ентешӗмӗрсем, сире пурнӑҫри хастарлӑхӑршӑн, яваплӑхӑршӑн тата Тӑван ҫӗршыва чунтан юратнӑшӑн тав тӑватӑп», – тенӗ саламра.

 

Республикӑра
culture.ru сайтри сӑн
culture.ru сайтри сӑн

Ҫитес ҫул Тӑван ҫӗршывӑн Аслӑ вӑрҫи пӗтнӗренпе 80 ҫул ҫитет. ЧР Элтеперӗ Олег Николаев 2025 ҫулта «вӑрҫӑ ачисене» пӗр хутчен укҫан хавхалантарассине пӗлтернӗ. Кун пирки вӑл «Советская Чувашия» хаҫата панӑ интервьюра каланӑ.

Республикӑра 42 пине яхӑн «вӑрҫӑ ачи» пурӑнать. Олег Алексеевич вӗсенчен кашниех тимлӗхе тивӗҫ пулнине палӑртнӑ.

 

Республикӑра

2025 ҫул Чӑваш Енре Ҫӗнтерӳпе патриотлӑх ҫулталӑкӗ пулӗ. Ҫакнашкал хушӑва алӑ пуснӑ ЧР Элтеперӗ Олег Николаев.

Ҫитес ҫул Тӑван ҫӗршывшӑн Аслӑ вӑрҫи пӗтнӗренпе 80 ҫул ҫитет. Ҫакна тӗпе хурса палӑртнӑ та ҫитес ҫула.

Сӑмах май, 2020 ҫулта, Астӑвӑмпа мухтав, ҫулталӑкӗ пулнӑ. Кӑҫал вара – Экологи культурин тата ҫутҫанталӑкпа перекетӗ усӑ курмалли ҫулталӑк

 

Республикӑра
Кандинский нейросеть сӑнӳкерчӗкӗ
Кандинский нейросеть сӑнӳкерчӗкӗ

Чӑваш Ен Элтеперӗ Олег Николаев Телегрампи хӑйӗн каналӗнче Ашшӗн кунӗпе саламлакан пост вырнаҫтарнӑ.

«Атте тени вӑл сӑмах анчах мар, вӑл хӑйне уйрӑм яваплӑха, вышкайсӑр пысӑк ӗҫе тата юратӑва палӑртать. Ашшӗ – ҫемье пуҫӗ, ывӑлӗшӗн – ҫирӗплӗх, вӑй тата чыслӑх тӗслӗхӗ, хӗрӗшӗн – наставник тата хӳтӗлевҫӗ.

Хисеплӗ арҫынсем, хаклӑ ашшӗсем, хӑвӑрӑн ҫывӑх ҫыннӑрсемшӗн, тӑванӑрсемшӗн – яланах ҫирӗп тӗрев, ачӑрсемшӗн шанчӑклӑ ҫул кӑтартуҫӑ пулӑр. Кашни кун савӑнӑҫпа, телейпе тултӑр, килӗрте яланах ӑшӑлӑхпа хӑтлӑх хуҫаланччӑр», — тесе саламланӑ республика ертӳҫи.

Хыпар ҫӑлкуҫӗ: https://t.me/mintrud_21/6928
 

Республикӑра
www.cheboksary.ru сӑнӳкерчӗкӗ
www.cheboksary.ru сӑнӳкерчӗкӗ

«Чӑваш Ен Элтеперӗн кубокӗ» пӗтӗм Раҫҫейри ӑмӑртура Павел Миронов тата Арина Павлова 2 наградӑна тивӗҫнӗ.

Ӑмӑрту иртнӗ эрнере иртнӗ.

Арҫын ачапа хӗрача – «Дуэт» спорт клубӗн воспитанникӗсем. Вӗсем 7-11 ҫулсенчи ачасен хушшинче икӗ хутчен ҫӗнтернӗ. Латин Америкин ташшипе ылтӑн медале тивӗҫнӗ, тепӗр ташӑпа – бронзӑна.

Ӑмӑртӑва ҫӗршыври 19 регионти 600 ытла спортсмен хутшӑннӑ.

Ачасен тренерӗсем – Сергей Яруткин тата Дмитрий Жаров.

Хыпар ҫӑлкуҫӗ: https://vk.com/wall-90291590_21205
 

Республикӑра
spb.mk.ru сайтри сӑн
spb.mk.ru сайтри сӑн

Етӗрне округӗнчи Вӑрман поселокӗнче карантин пулнине палӑртнӑ. Ку хушӑва ЧР Элтеперӗ Олег Николаев алӑ пуснӑ.

Ҫак поселокри чӗрчун анализне лабораторире тӗрӗсленӗ хыҫҫӑн унӑн урнӑ чир пулнине палӑртнӑ. Ветеринарсем вирус ан сарӑлтӑр тесе мерӑсем йышӑннӑ.

Карантин ятарлӑ хушу пуличчен вӑйра пулӗ.

 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ... 178
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.04.2025 15:00) пӗлӗтлӗ ҫанталӑк, атмосфера пусӑмӗ 738 - 740 мм, 13 - 15 градус ӑшӑ пулӗ, ҫил 7-9 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
хуҫа хӑй
хуҫа тарҫи
кил-йышри арҫын
хуҫин ҫитӗннӗ ачисем
хуҫа арӑмӗ
хуть те кам тухсан та