Чӑваш Ен фристайлҫӑ, Олимп резервӗсен 2-мӗш спорт шкулӗнче ӑсталӑхне туптакан Лана Прусакова Пӗтӗм Раҫҫейри ӑмӑртусенче каллех ылтӑн медаль ҫӗнсе илнӗ. Пӗрре мар – иккӗ.
Лана нумаях пулмасть икӗ ылтӑн медаль илнӗччӗ. Хальхинче те спорсменка «биг-эйр» тата «слоуп-стайл» дисциплинӑсенче ӑмӑртса малти вырӑнсене йышӑннӑ.
Палӑртмалла: Лана Прусакова кӑҫалхи сезонра ултӑ ылтӑн медаль ҫӗнсе илнӗ.
Лана Пруссакова фристайл енӗпе иртнӗ Раҫҫей кубокӗнче виҫҫӗмӗш ылтӑн медаль ҫӗнче илнӗ. Хальхинче вӑл слоуп-стайл дисциплинӑра тупӑшнӑ.
Лана кӑҫалхи сезонра Лана виҫҫӗмӗш ылтӑн медаль илнӗ. Палӑртса хӑвармалла: вӑл 2018 ҫулта иртнӗ хӗллехи Олимп вӑййисене хутшӑннӑ.
Тепӗр икӗ медале вӑл ҫӗршыв кубокӗнче биг-эйр дисциплинӑра илнӗ. Лана Прусакова Олимп резевӗсен 2-мӗш спорт шкулӗнче ӑсталӑхне туптать.
Чӑваш Ен спортменки Новосибирскра фристайл енӗпе иртнӗ ӑмӑртура ылтӑн медаль ҫӗнсе илнӗ. Кун пирки ЧР спорт министрӗ Василий Петров Телеграм-каналӗнче пӗлтернӗ.
Лана Раҫҫей Кубокӗнче "биг-эйр" дисциплинӑра ӑмӑртса пурне те хыҫа хӑварнӑ.
Палӑртса хӑварар: Лана Прусакова 2018 ҫулта Олимп вӑййисене хутшӑннӑ. 2019 ҫулта хӗллехи Универсиадӑна хутшӑнса Раҫҫей спорт мастерӗ пулса тӑнӑ.
Тин кӑна Дмитрий Мулендеев фристайлҫӑ Чӗлепи облаҫӗнчи Миасс хулинче иртекен Раҫҫей кубокӗнче ылтӑн медаль ҫӗнсе илни пирки пӗлтернӗччӗ. Вӑл ун чухне «слоуп-стайл» дисциплинӑра тупӑшса мала тухнӑ.
Паян Дмитрий «биг-эйр» дисциплинӑра ӑмӑртнӑ. Пирӗн ентеш финиша чи малтан ҫитнӗ. Иккӗмӗш вырӑна Красноярск крайӗнчи Артем Дулов йышӑннӑ, виҫҫӗмӗшне – Питӗрти Максим Сенкевич.
Аса илтерер: Дмитрий Мулендеев ӑсталӑхне Олимп резервӗсен 2-мӗш спорт шкулӗнче туптать.
Пӗлтӗр сезон вӗҫенче Лана Прусакова фристайлҫӑ аманнӑ. Ҫавна пула вӑл ӑмӑртусене хутшӑнайман. Лана тинех спорта таврӑнать.
Спортсменка ака уйӑхӗн 1-7-мӗшӗсенче Чӗлепи облаҫӗнчи "Солнечная долина" ту йӗлтӗр спорчӗн комплексӗнче иртекен Раҫҫей Кубокне хутшӑнать. Унпа пӗрле тепӗр фристайлҫӑ Дмитрий Мулендеев та каять.
Сӑмах май, Мулендеев Пекинра иртнӗ Олимп вӑййисене хутшӑнайман, унтс лекеймен. Икӗ эрне каялла вара Раҫҫей чемпионатӗнче слоуп-стайл дисциплинӑра - ылтӑн, биг-эйр дисциплинӑра кӗмӗл медальсем ҫӗнсе илнӗ.
Дмитрий Мулендеев фристайлҫӑ каллех ҫитӗнӳпе савӑнтарнӑ. Вӑл спортӑн ку енӗпе иртнӗ ӑмӑртура чемпион ятне ҫӗнсе илнӗ.
Ӑмӑрту Чӗлепи облаҫӗнчи Миассере «Солнечная долина» ту йӗлтӗрӗн курортӗнче иртет. Дмитрий «слоуп-стайл» дисциплинӑра ылтӑн медале тивӗҫнӗ. Иккӗмӗш вырӑна – Питӗрти Максим Сенкевич, виҫҫӗмӗшне ҫав хулариех Павел Петров йышӑннӑ.
Дмитрий Мулендеев Олимп резервӗсен 2-мӗш спорт шкулӗнче ӑсталӑхне туптать. Вӑл наци чемпионатӗнче ҫакнашкал дисциплинӑра иккӗмӗш ылтӑн медаль ҫӗнсе илнӗ.
Ҫак эрнере тӗнчери чи вӑйлӑ фристайлистсем спортӑн асӑннӑ енӗпе Тӗнче кубокӗн иккӗмӗш тапхӑрӗнче «биг-эйр» дисциплинӑра ӑмӑртӗҫ.
Спортсменсем Америкӑри Пӗрлешӳллӗ Штатсенчи Стимбот сӑрт-ту курортӗнче старта тухӗҫ. Вӗсен ӑмӑртӑвӗ раштав уйӑхн 3-4-мӗшӗсенче иртӗ. Раҫҫей чысне Шупашкарти Дмитрий Мулендеев хӳтӗлӗ. Вӑл Олимп резервӗн 2-мӗш спорт шкулӗнче вӗренет.
Кӑҫалхи сезон Олимпиада умӗнхи шутланать. Унта Чӑваш Енри икӗ фристайлистӑн — эпир халь ҫеҫ асӑннӑ Дмитрий Мулендеевӑн тата Лана Прусакован — лекес шанӑҫ пур.
Чӳк уйӑхӗн 19-20-мӗшӗсенче Австрири Штубаи хулинче фристайл енӗпе тӗнче кубокӗ иртет. Вӑл «слоуп-стайл» дисциплинӑпа пулӗ.
Раҫҫей чысне хӳтӗлекен арҫынсен хушшинче пирӗн ентеш, Олимп резервӗсен 2-мӗш спорт шкулӗнче ӑсталӑхне туптакан Дмитрий Мулендеев та пулӗ. Ҫавӑн пекех наци пӗрлештернӗ командине Анастасия Таталина тата Ксения Орлова кӗнӗ.
Финала чӳк уйӑхӗн 20-мӗшӗнче «Евроспорт» телеканалпа 13 сехет те 20 минутра кӑтартӗҫ. Сӑмах май, Дмитрий Мулендеев тата унӑн спортри тусӗ Лана Прусакова Пекинри Олимп вӑййисене хутшӑнакан кандидатсем пулнӑ.
__
Чӑваш Енри икӗ спортсмен Фристайл енӗпе тӗнче чемпионатне хутшӑнассине Чӑваш халӑх сайчӗ пӗлтернӗччӗ. Аса илтерер: вӗсем — олимп резервӗн 2-мӗш спорт шкулӗнчи фристайл уйрӑмӗн воспитанникӗсем Лана Прусакова тата Дмитрий Мулендеев.
Виза илес енӗпе йывӑрлӑх пулнӑран спортсменсем АПШна кая юлса тухса кайнӑ. Ҫавӑнпа вӗсем «слоуп-стайл» ӑмӑртӑвне хутшӑнайман.
Фристайлӑн «биг-эйр» дисциплининчи ӑмӑртура Раҫҫейри икӗ спорстмен малти икӗ вырӑна йышӑннӑ. Мускаври Анастасия Таталина ылтӑн медаль ҫӗнсе илнӗ, Лана Прусакова – кӗмӗл. Тӗнче чемпионатӗнче Раҫҫей спортсменӗсем «биг-эйр» дисциплинӑра малти вырӑна тухни пулман.
«Ҫӗнтернине халӗ те ӗненес килмест! Мана шаннӑшӑн тата ӗненнӗшӗн пурне те пысӑк тав! Йывӑр ӗҫ хакне кӑларчӗ! Эпӗ питех те телейлӗ! Хам пултарнине йӑлтах турӑм», – тесе ҫырнӑ ентешӗмӗр Инстаграмра.
Дмитрий Мулендеев тата Раҫҫейри тепӗр спортсмен Дмитрий Макаров ӑмӑртӑвӑн финалне лекеймен.
Чӑваш Енри икӗ спортсмен Фристайл енӗпе тӗнче чемпионатне хутшӑнӗ. Вӗсем – олимп резервӗн 2-мӗш спорт шкулӗнчи фристайл уйрӑмӗн воспитанникӗсем Лана Прусакова тата Дмитрий Мулендеев. Раҫҫей командине ҫавӑн пекех Анастасия Таталина (Мускав) тата Дмитрий Макаров (Красноярск тӑрӑхӗ) кӗнӗ.
Фристайлӑн «слоуп-стайл» тата «биг-эйр» дисциплинисенчи ӑмӑртӑвӗ Америкӑри Пӗрлешӳллӗ Штатсенче пуш уйӑхӗн 7-16-мӗшӗсенче иртӗ. «Слоуп-стайл» квалификацийӗ пуш уйӑхӗн 11-мӗшӗнче иртӗ, 13-мӗшӗнче финал пулӗ. «Биг-эйр» дисциплинипе квалификаци пуш уйӑхӗн 15-мӗшӗнче иртӗ, финал – 16-мӗшӗнче.
Виза илес енӗпе йывӑрлӑх пулнӑран спортсменсем АПШна ыран ҫеҫ тухса кайӗҫ. Ҫавӑнпа вӗсем «слоуп-стайл» ӑмӑртӑвне хутшӑнаймӗҫ.
-4.7 °C