Раштавӑн 7-мӗшӗнче чӑвашсен «Хавал» пуҫару ушкӑнӗ И. Я. Яковлев ячӗллӗ Чӑваш патшалӑх педагогика университечӗпе Чӑваш патшалӑх гуманитари ӑслӑлӑхсен институчӗ пулӑшнипе шкул ачисен 2-мӗш ӑслӑлӑхпа практика конференцийӗ иртӗ. Кун пирки «Хавал» халӑх тетелӗнчи хӑйӗн страницинче пӗлтернӗ.
Конференци тӗллевӗсен шутӗнче вӗренекенсен хастарлӑхне ӳстерессине, тишкерӳ ӗҫне аталантарса пырассине, ӑслӑлӑха кӗме ҫул уҫса парассине, хӑйсем тӗллӗн ӗҫлеме хӑнӑхтарассине,
вӗренекенсен ӑслӑлӑхри ҫитӗнӗвӗсемпе паллаштарассине кӗртнӗ.
Конференцие 5-11-мӗш класра вӗренекенсем хутшӑнма пултарӗҫ.
Юпа 31-мӗшӗнче Чӑваш патшалӑх академи драма театрӗнче паллӑ актер, РСФСР халӑх артисчӗ, Чӑваш АССР халӑх артисчӗ, К.С. Станиславский ячӗллӗ патшалӑх премийӗн лауреачӗ Виктор Родионов ҫуралнӑранпа 100 ҫул ҫитнине халалланӑ аст каҫӗ иртнӗ.
Чаплӑ мероприятие актерӑн асӑну хӑми патне чечек хунинчен пуҫланнӑ, унта театр актерӗсем, журналистсем, тӑванӗсем театрта пухӑннӑ. Виктор Родионовӑн пултарулӑх биографийӗ Чӑваш драматрӗпе уйрӑлми ҫыхӑннӑ. Вӑл республикӑри театр искусствин историйӗнче тарӑн йӗр хӑварнӑ.
Аса илӳ каҫне тӳре-шараран Чӑваш Енӗн культура, национальноҫсен тата архив ӗҫӗсен министрӗн ҫумӗ Георгий Богуславский хутшӑннӑ.
Ӗнер, юпа уйӑхӗн 29-мӗшӗнче, Чӑваш Енӗн Наци вулавӑшӗнче тӑван халӑхӑмӑр литературине кӑмӑллакансем тата ӑна ушкӑнпа пуҫтарӑнса сӳтсе явма вӑхӑт тата кӑмӑл пуррисем «Варкӑш» клубӗнче черетлӗ хутчен пуҫтарӑннӑ.
Вӗсем Владислав Николаевӑн «Маттурсем-хастарсем» кӗнекине авторпа пӗрле сӳтсе явнӑ.
Халах тетелӗнчи «Интересно о Чувашском» пабликра пӗлтернӗ тӑрӑх, повесть пӗчӗк хулари пӗр шкулта 6-мӗш класра вӗренекен тӗлӗнмелле маттур та хастар ачасемпе паллаштарать-мӗн, вӗсем хула администрацийӗн пуҫлӑхне сӗнӳсем пама та хӑрамаҫҫӗ иккен.
Кӑҫал республикӑри колхоз театрӗсене пуҫарса янӑранпа 90 ҫул ҫитет. Ҫавна май Кӳкеҫре тӗрлӗ мероприяти ҫине тӑрсах йӗркелеҫҫӗ.
Ҫак уйӑхӑн пуҫламӑшӗнче унти вулавӑшра, сӑмахран, ҫавра сӗтел иртнӗ. Ыран вара Кӳкеҫре фестиваль пулӗ. Унта вырӑнти хӑй тӗллӗн вӗреннӗ сцена ӑстисемпе, шкул ачисемпе пӗрлех Чӑваш патшалӑх академи драма театрӗн артисчӗсем те хутшӑнӗҫ. кун пирки Чӑваш халӑх сайтне Шупашкар муниципаллӑ округӗнчи культура, туризм, социаллӑ аталану пайӗн пуҫлӑхӗ Маргарита Павлова пӗлтерчӗ.
Юхма Мишшин повеҫӗ тӑрӑх Марат Никитин режиссёр ӳкернӗ «Истори деда Азамбая» фильм ҫитес эрнере проката тухӗ. Ӑна юпа уйӑхӗн 31-мӗшӗнче Шупашкарти «Ҫеҫпӗл» кинотеатрта 13 сехет те 30 минутра кӑтартӗҫ. Унсӑр пуҫне фильма ҫавӑнтах чӳк уйӑхӗн 2-мӗшӗнче 14 сехет те 30 минутра кӑтартӗҫ. Билет хакӗ — 200 тенкӗ.
Фильма ӳкерме 1 миллион тенкӗ тухса кайнӑ. «Ҫамрӑксен хаҫатӗнче» пӗлтернӗ тӑрӑх, рольсене Ҫеҫпӗл Мишши ячӗллӗ Чӑваш патшалӑх ҫамрӑксен театрӗн артисчӗсем тӳлевсӗр вылянӑ. Тӗп роле, Азамбая, РФ тава тивӗҫлӗ артисчӗ, Чӑваш халӑх артисчӗ Василий Павлов калӑпланӑ.
Чӑваш наци ӑслӑлӑхпа ӳнер академийӗн пайташӗсем паян Самар облаҫӗнче «Кӗр сӑри» уявра пулнӑ.
Вӗсем тата вырӑнти ӑстасем унта чӑвашла юрӑсемпе савӑнтарнӑ. Илемлӗ чӑваш тумӗсем тата мӗне тӑнӑ! Кун пирки Валентина Телей юрӑҫ халӑх тетелӗнчи хӑйӗн страницинче пӗлтернӗ.
Юпа уйӑхӗн 31-мӗшӗнче Чӑваш Республикин Патшалӑх истори архивӗнче «Край Канашский. Деревня Атыково» кӗнекене пахалама пуҫтарӑнӗҫ.
КӑларӑмаСборник создан на основе архив фондӗнчи документсемпе тата материалсемпе усӑ курса пичетленнӗ.
Кӗнекере — сайра тӗл пулакан документсем, ӳкерчӗксем. Вӗсем ял историйӗпе 1795 ҫултан пуҫласа 1935 ҫулччен каласа кӑтартаҫҫӗ иккен. Уесри земство управин тата вулӑс правленийӗн отчечӗсем, тӗрлӗ списокӗсем, карттӑсемпе плансем.
Кӗнекере пурӗ 172 документ, вӗсенчен чылайӑшне пуҫласа пичетленӗ.
Мероприяти 13 сехет те 30 минутра пуҫланӗ.
Марина Карягинӑн «Ҫӗн Кун ачи» пьеси тӑрӑх Чӑваш патшалӑх ҫамрӑксен театрӗнче спектакль лартнине эпир унччен пӗлтернӗччӗ-ха. Сӑмах май каласан, ҫитес уйӑхра, чӳк уйӑхӗн 15-мӗшӗнче, театрта ҫав спектакле курма пулать.
Аса илтерер: пьесӑна автор Ҫеҫпӗл Мишши ҫуралнӑранпа 125 ҫул ҫитнине халалласа ҫырна.
Пьесӑн тулли вариантне вулас тесен кӗнеке хальлӗхе авторта пур. Ӑна Марина Карягина почта урлӑ та ярса парайӗ.
Ӗнер, юпа уйӑхӗн 23-мӗшӗнче, чӑваш Улӑпӗ И.Я.Яковлев ҫут тӗнчерен уйрӑлса кайнӑ кун, Шупашкарта патриархӑмӑр палӑкӗ умне чечек хунӑ.
Кун пирки Лидия Филиппова журналист халӑх тетелӗнчи хӑйӗн страницинче пӗлтернӗ.
«Ӗнер Шупашкара тепӗр чӑваш Улӑпӗ Иван Казанков килсе ҫитрӗ.
Тӗрлӗ ыйтӑва сӳтсе явнипе пӗрлех ЮТВ телеканал валли «Ҫынсем. Ҫулсем. Еткерлӗх» — «Люди. Годы. Наследие» кӑларӑм ӳкертӗмӗр, И.Я.Яковлев палӑкӗ умне пуҫ тайса чечек хутӑмӑр… Наци радиовӗнче вара хӑйнеевӗрлӗ марафон иртрӗ – 2 сехете яхӑн тӳрӗ эфирта Иван Казанков ентешӗмӗр-мухтавӑмӑр пулчӗ…», — хыпарланӑ Лидия Филиппова.
Питӗр хулинчи «Выборгская сторона» (чӑв. Выборг тӑрӑхӗ) клубра Алиса Шарпаева художник-модельерӑн «Современные украшения женского костюма» (чӑв. Хӗрарӑм тумӗн хальхи вӑхӑтри эрешӗсем) куравӗ иккӗмӗш эрне ӗҫлет иккен.
Унта чӑвашсем пуҫа тӑхӑнакан тӗрлӗ хатӗрпе, саппунсемпе, тутӑрсемпе, мӑй ҫыххипе, тӗрлӗ эрешпе паллашма пулать.
Алиса Семёновна Питӗрти чӑвашсен культура обществин хастар членӗсенчен пӗри.
+25.3 °C