Ӗнер, кӑрлач уйӑхӗн 25-мӗшӗнче, Шупашкарти Коммуналлӑ Слобода урамӗнче пӗр машина ҫул урлӑ чипер качакан хӗрачана пырса ҫапнӑ.
«Ҫыхӑнура» форумри видеора ачана ытти машина чиперех каҫарса яни аван курӑнать. Пӗр водитель вара, «Форд Фокус», «Веста» автомобиль чарӑннине те пӑхмасть, малалла ыткӑнать.
Машина пырса ҫапсан ача хӑех тӑрать-ха. Анчах вӑл уксахлать тата унӑн хӑрах пушмакӗ хывӑнса ӳкнӗ.
Ачана ҫапса кайнине сиссен «Форд Фокус» сӗмсӗррӗн иртсе каймасть — чарӑнса ларать. Автомобильтен хӗрарӑмпа арҫын сиксе тухаҫҫӗ, ача патне васкаса пыраҫҫӗ.
Чӑваш кӗнеке кӑларӑшӗнчен пӗлтӗр 8-мӗш класӑн, паян 9-мӗш класӑн ҫӗнӗ кӗнекисене (тӗрӗссипе — улттӑмӗш ҫӗнетсе улӑштарнӑ кӑларӑма) илсе килчӗҫ. Савӑнмалла. Тӑрӑшса ӗҫленӗ, Евгений Майковпа Ольга Вишнева вӗрентекенсем пултарнине тунӑ. Тепӗр тӗлӗнтермӗш, ҫӗнӗ кӗнекешӗн 3 пин ытларах гонорар парса янӑ. Унчченхисемшӗн пачах ним тӳлеменни те пулнӑ-ҫке! Ҫавӑнпа укҫа пирки калаҫмӑпӑр, ахаллӗн мана хирӗҫ Родионов-Яковлев-Ендеров тата тахӑшӗн пӗрлӗхӗ каллех кӑшласа ларать. Ку ушкӑн хам чӗрӗ чухнех курнӑҫланса синкер сарать те, вилсе выртсан мӗнле сиксе ташлӗ-ши? Ирӗксӗрех пуҫа Даниил Эльмень шӑпи килет — пӗр ҫын пӑтратнипе кӗрӗс-мерӗс шав тӑваҫҫӗ те пултаруллӑ этемех таптаса хураҫҫӗ.
Кайма пуҫтарӑнсан шикленесси ҫук. Пурнӑҫа хакласа шутланӑ чухне капланнине каласа хӑварни вырӑнлӑрах. Хӑй пирки хӑлаҫланать, критикӑна юратмасть, йӑлтах хӑйшӗн тейӗҫ. Ку яланах ҫапла пулнӑ — Эльменсен вӑхӑтӗнче те. Тинкерӗр, ҫаплах ҫав. Тӑван сӑмахлӑх пирки каланӑ чухне манӑн хам ҫинчен сас тумасӑр пулмастех. Ан тив, лешсем кӗвӗҫсе, сӑхланса е урӑх тӗллевпе элеклеччӗр — эпӗ хамӑн ӗмӗре, чылай тӑпӑлтарчӗҫ пулсан та, литература вӗрентӗвӗнчен уйӑраймарӑм.
Руль умӗнче ача ларнӑ. Ҫапла, ку Шупашкарта пулса иртнӗ. Видео ҫак кунсенче тӗнче тетелӗнче сарӑлнӑ.
ҪҪХПИ пӗлтернӗ тӑрӑх, ҫак водителе административлӑ майпа явап тыттарнӑ. Ашшӗ-амӑшӗ пӗчӗк ачана чӗрҫи ҫине лартнӑ та руль тыттарнӑ. Машина Мускав проспекчӗпе ҫурҫӗр-хӗвеланӑҫ районӗ еннелле кайнӑ.
Ача ашшӗн чӗрҫи ҫинче ларса пынӑ чухне сиккелесе пынӑ, руле кӑшланӑ. Куншӑн водитель явап тытнӑ. Ӑна 3 пин тенкӗ штраф тӳлеттерме пултараҫҫӗ.
Каярахпа ашшӗ ҫакна мӗншӗн тунине ӑнлантарнӑ. Ачи нӑйкӑшнӑ-мӗн, вӗсем ӑна лӑплантарас тесе руль умне лартнӑ.
Паян Шупашкарти ачасем вӗренмӗҫ. Кун пирки хула администрацийӗн пуҫлӑхӗ Алексей Ладыков Инстаграмра пӗлтернӗ. Вӑл ҫырнӑ тӑрӑх, занятисем кӗҫӗн классенче ҫеҫ мар, вӑтаммисенче те пулмӗҫ. Паян ҫанталӑк 28 градус таран сивӗ, ҫавна май 1-8 классенче вӗренекенсен шкула каймалла мар.
Шкула каймалла маррине пӗлмесӗр пынисене киле хӑваласа ямӗҫ. Вӗсемпе е ушкӑнпа, е уйрӑмар заняти ирттерӗҫ.
Пӗлтӗр хӗлле ӑшӑ тӑнӑччӗ, ҫак кунсенче сывлӑши температури чӑн-чӑн хӗллехи евӗр. Ҫавна май ӑшӑрах тӑхӑнмалла, коммуналлӑ тытӑмсен те тимлӗ пулмалла.
Ҫӗнӗ ҫулхи каникулта республикӑра шутра тӑракан ҫемьесенчи 22 ачана пульницӑна е социаллӑ реабилитаци центрне вырнаҫтарнӑ.
Канмалли кунсенче полиципе вырӑнти хӑйтытӑмлӑх органӗсем республикӑри шутра тӑракан 1890 ҫемьене тӗрӗсленӗ. Вӗсенче – 3340. Тӗреслев вӑхӑтӗнче 71 административлӑ ӗҫ пуҫарнӑ. Кусем – ашшӗ-амӑшӗ тивӗҫӗсене лайӑх пурнӑҫламан тӗлӗшпе.
Канмалли кунсенче Чӑваш Енре тӑватӑ ача килтен е интернатран тухса тарнӑ, вӗсене шыраса тупнӑ. Раштавӑн 31-мӗшӗнче Канашра тата Шупашкарта икӗ ачана 3 сехет шыранӑ. Вӗсем Пӑрачкаври шкул-интернатран тухса тарнӑ.
Кӑрлач уйӑхӗн 10-мӗшӗнче Ҫӗнӗ Шупашкарти ҫӳп-ҫап уйӑракан линире тин ҫуралнӑ ача виллине тупнӑ. Арҫын ачан вилли полиэтилен хутаҫра пулнӑ. Следстви кун тӗлӗшпе тӗрӗслев ирттерет.
Следствипе оперативлӑ ушкӑн вырӑна ҫийӗнчех ҫитнӗ, тӗплӗн тӗрӗсленӗ. Халӗ тин ҫуралнӑ ача мӗншӗн вилнине палӑртаҫҫӗ, судпа медицина экспертизи ирттереҫҫӗ. Кун хыҫҫӑн тивӗҫлӗ йышӑну тӑвӗҫ.
Ҫак пӑтӑрмах пирки мӗн те пулин пӗлекен ҫынсене пулӑшма ыйтаҫҫӗ – 02 е (8352) 62-46-59, (8352) 66-24-31 номерсеме пӗлтерме ыйтаҫҫӗ. Анонимлӑ пуласса шантараҫҫӗ.
Етӗрнере пурӑнакан вӑйпитти тӑван хӗрне хӗненӗ.
29 ҫулти арҫын пӗлтӗрхи раштав уйӑхӗнче ӳсӗр пулнӑ. Тӗпчевҫӗсем шухӑшланӑ тӑрӑх, арҫын хӑйӗн хӗрне юратманран харкашма тытӑннӑ. Ӑна вӑл темиҫе хутчен алӑпа, чӗн пиҫиххипе уринчен ҫапнӑ, урӑхла майпа та вӑл ачана ыраттарнӑ.
7 ҫулхи тӗпренчӗке хӗненӗ ашшӗ тӗлӗшпе РФ Следстви комитечӗн республикӑри тӗпчевҫисем пуҫиле ӗҫ пуҫарнӑ. Ҫамрӑк арҫынна РФ Пуҫиле кодексӗн 117-мӗш статйин 2-мӗш пайӗн «г» пункчӗпе явап тыттарӗҫ.
Хальхи вӑхӑтра хӗрачапа амӑшӗпе усал ашшӗпе пурӑнмаҫҫӗ.
Паян кӑнтӑрла, 12 сехетсенче, М-7 автоҫулӑн 734-мӗш ҫухрӑмӗнче, Куславкка районӗнчи Тӗрлемес ҫывӑхӗнче, хӑрушӑ авари пулнӑ. Шел те, унта ҫынсен пурнӑҫӗ татӑлнӑ. Ача та пулнӑ.
Малтанлӑха пӗлтернӗ тӑрӑх, «Шевроле» водителӗ руле итлеттереймен, йывӑр тиевлӗ «Сканийӑна» сулахай айккипе ҫакланнӑ. Унтан минивэн хирӗҫ килекен КамАЗ ҫине пырса кӗнӗ. Кун хыҫҫӑн «Скания» «Калинӑпа» ҫапӑннӑ. Тепӗр машина аварирен пӑрӑнас тесе кювета чамнӑ.
«Шевроле» машинӑра пулнӑ тӑватӑ ҫыннӑн пурнӑҫӗ татӑлнӑ. Ҫав шутра – 7-ри тата 15 ҫулти хӗрачасен. Пӗри пульницӑна илсе кайнӑ чухне сывлама пӑрахнӑ. «Калинӑри» икӗ ҫын тата «Шевролери» ача суранланнӑ.
4 ҫулти Кира Ҫӗнӗ ҫулта пукане ҫуртне парнелессе кӗтнӗ. Унӑн ӗмӗтне ЧР строительство министрӗ Александр Героев пурнӑҫланӑ.
Ҫемьере 5 ача ӳсет – тӑватӑ арҫын ача тата пӗр хӗрача. Кира хӑйӗн ӗмӗтне «Ӗмӗтсен чӑрӑшӗ» сайтра ҫырса пӗлтернӗ. Чӑрӑш ҫинчи теттене строительство министрӗ Александр Героев уҫнӑ – Кирӑна Ҫӗнӗ ҫулпа пукане ҫуртне парнеленӗ.
Министр ачан куҫӗ телейпе ҫиҫнине курса савӑннине пӗлтернӗ. «Ку чӑннипех те Ҫӗнӗ ҫулхи тӗлӗнтермӗш», - тенӗ вӑл.
Палӑртмалла: «Ӗмӗтсен чӑрӑшӗ» акципе килӗшӳллӗн нумай ачаллӑ ҫемьенчи тата йывӑрлӑха лекнӗ ачасен ӗмӗчӗсене пурнӑҫлаҫҫӗ.
Пӗлтӗрхи раштав уйӑхӗн 27-мӗшӗнче тӗнчипе паллӑ велоҫулҫӳревҫӗсен: Никитӑпа Анастасия Тӗнчесен — ҫемйинче ывӑл ҫуралнине эпир пӗлтернӗччӗ. Аса илтерер: ҫемье пӗлтӗр тӗнче тӑрӑх велоҫулҫӳреве тухнӑччӗ, чӳк уйӑхӗнче вӗсем Америкӑри Пӗрлешӳллӗ Штатсене самолетпа вӗҫсе кайнӑччӗ. Инҫе ҫула мӑшӑр ҫулталӑкри хӗрӗпе тухнӑччӗ.
АПШри Техас штатӗнче вӑхӑтлӑха тӗпленнӗ ҫемьере йыш хушӑнчӗ. Халӗ ачана ят панӑ. Кун пирки Настя Инстаграмра пӗлтернӗ. Пӗчӗкскере Эльдар ят панӑ. Ку вӑл — тӗрӗк ячӗ.
«Хӗвел парни тенине пӗлтерет. Ачамӑр — хӗллехи шӑрӑх кун ҫуралнӑскер. Раштав уйӑхӗн 27-мӗшӗ ку хӗлле, чӑн та, чи ӑшшисенчен пӗри пулчӗ», — тесе ӑнлантарнӑ Настя.
+17.3 °C