Республикӑри халӑхсемпе ӗҫлекен канашӑн пайташӗсем тата хуласемпе районсенчи культура енӗпе ӗҫлекен пуҫлӑхсем паян Елчӗк районне пухӑнчӗҫ. Кунта «Республикӑн «Чӑваш Ен культури: 2006-2011 ҫулсем» тӗллевлӗ программин «Чӑваш Республикин патшалӑх наци политикин Концепцине пурнӑҫласси» пайне Елчӗк районӗнчи вырӑнти хӑйтытӑмлӑх органӗсем тата культура учрежденийӗсем пурнӑҫа кӗртес енӗпе пухнӑ опытпа палашасси» канашлу-семинар иртрӗ.

Канашлӑва пухӑннисем чи малтан Елчӗкри паллӑ вырӑнӗсемпе паллашрӗҫ — часовньӑра, районӑн тӗп вулавӑшӗнче, историпе краеведени музейӗнче, ӳнер шкулӗнче, физкультурӑпа сывлӑх комплексӗнче пулса курчӗҫ. Мишер Патирекре ҫӑлкуҫ путне ҫисе курчӗҫ, ялти вулавӑшпа, ҫӗнелнӗ культура ҫурчӗпе тата нумай пулмасть уҫӑлнӑ шкулпа паллашрӗҫ. Пур вырӑнта та хӑнасене тараватлӑн кӗтсе илчӗҫ — хитре чӑваш тумӗсемпе, юрӑ-ташӑпа.

Канашлу-семинарӑн тӗп пайӗ «Елчӗкри культурӑпа кану ценрӗнче» иртрӗ. Канашлӑва Чӑваш Республикин культурӑн, национальноҫсен ӗҫӗсен, информаци полтикипе архив ӗҫӗн министрӗ Роза Лизакова уҫрӗ. Ҫавӑн пекех хӑйсене сӑмахӗсемпе Елчӗк район администрацийӗн ҫамрӑксен политикипе вӗренӳ урӑмӗн пуҫлӑхӗ Леонид Левый, Елчӗк район администрацийӗн культурӑпа информаципе тивӗҫтерекен уйрӑмӑн пуҫлӑхӗ Антонина Александрова, ройонӑн тӗп вулавӑшӑн краеведени пайӗн ертӳҫи Любовь Иванова, «Елчӗк районӗн культурӑпа кану центрӗ» КМУн директорӗ Валентина Портнова, «Елчӗк ен» хаҫатӑн тӗп редакторӗ Николай Алексеев тухса калаҫрӗҫ.

Канашлу-семинара пӗтӗмлетсе Канаш пайташӗсем «Республикӑн «Чӑваш Ен культури: 2006-2011 ҫулсем» тӗллевлӗ программӑн «Чӑваш Республикин патшалӑх наци политикин Концепцине пурнӑҫласси» пайне Елчӗк районӗнчи вырӑнти хӑйтытӑмлӑх органӗсем тата культура учрежденийӗсем пурнӑҫа кӗртес енӗпе лайӑх пурнӑҫласа пынине палӑртрӗҫ, вӗсен ӗҫне ырларӗҫ.

Мероприяти вӗҫӗнче килнӗ хӑнасене «Варкӑш» ташӑпа-юрӑ ушкӑнӗ хӑйӗн пултарулӑхӗпе паллагтарчӗ, савӑнтарчӗ.

Хыпар ҫӑлкуҫӗ

#культура, #Мишер Патирек, #Елчӗк районӗ, #Елчӗк