Вӑтам классенче вӗренекен шкул ачисен малашне обществознани предмечӗ пулмӗ.

«Авӑнӑн 1-мӗшӗнчен ачасене ҫӗнӗ программӑпа вӗрентме пуҫлӗҫ. 6-7-мӗш классен обществознани вуҫех пулмӗ. 8-9-мӗш классен урокӗсен шутне чакарӗҫ: 136 сехетрен 68 сехет юлӗ», — хыпарланӑ Телеграмри «Пуринчен малтан» каналта.

Обществознани вырӑнне ачасем истори вӗренӗҫ. Вӑтам классенче ҫавӑн пек урок хальхинчен 1,5 хут нумайрах пулӗ.

#истори, #шкулсем, #ачасем, #вӗренӳ, #ҫӗнӗлӗхсем