Ваттисем те ҫамрӑксенчен нимпе те кая мара. Ҫакна иртнӗ кунсенче Сархурӑн ялӗн аслӑрах йышӗ ҫирӗплетсе панӑ.

Ҫурлан 15-мӗшӗнче Шупашкар районӗнчи асӑннӑ ялти ватӑсемпе ҫамрӑксем хушшинче мини-футбол вӑййипе матч иртнӗ. Ҫамрӑксен ушкӑнне 25 ҫулчченхи яшсем кӗнӗ, ватӑсем шутӗнче вара — 25 ҫултан аслӑрах ҫулхисем. Сӑмах май, чи аслӑ хутшӑнакан 61 ҫулта пулнӑ.

Матч самай хӗрӳллӗ иртнӗ. Пӗтӗмлетӳ тӑрӑх 8:1 кӑтартупа «Ватӑсем» ушкӑн ҫӗнтернӗ. Мечӗке хӑвалакансене пурне те асӑнмалӑх парнесемпе тивӗҫтернӗ.

#Шупашкар районӗ, #Сархурӑн, #спорт, #Атайкасси ял тӑрӑхӗ, #футбол