mintrud.cap.ru сӑнӳкерчӗкӗ

Чӑваш Енре пурӑнакан нумай ачаллӑ ҫемьесене патшалӑх шучӗпе ҫӗр паракан саккун пур. Юлашки вӑхӑтра ҫынсем ҫӗр вырӑнне укҫан илме пултараҫҫӗ. Тӳлев вӗсене пӗр хутчен лекет.

Шӑпах ҫавӑн пек майпа усӑ курнӑ та Куславкка муниципаллӑ округӗнчи Энтри Пасар ялӗнче пурӑнакан Лукиновсем. Вӗсем ҫӗр вырӑнне укҫа сетификатне суйласа илнӗ.

Еленӑпа Владимирӑн виҫӗ ача. Хӗрарӑмпа арҫын тӑван ялта ӗҫлеҫҫӗ.

«Ҫӗр лаптӑкӗ вырӑнне укҫа илме май килнишӗн эпир питӗ савӑнтӑмӑр. 250 пин тенкӗ укҫана эпир хваттер туянма ярасшӑн», — тенӗ виҫӗ ача амӑшӗ.

#Энтри Пасар, #Куславкка районӗ, #тӳлевсем, #саккунсем