Коммуналлӑ пулӑшушӑн тата ҫурт-йӗре тытса тӑнишӗн тӳленӗ чух хӑш-пӗр банксем комисси илеҫҫӗ. Раҫҫейӗн Патшалӑх Думи пенсионерсене, инвалидсене, сахал тупӑшлисене, ҫар хирӗҫтӑрӑвне хутшӑннисене комисси тӳлеттерме чарма йышӑннӑ.

Саккуна виҫҫӗмӗш вулавпа йышӑннӑ.

«Саккунри ҫӗнӗ йӗрке социаллӑ пулӑшу кирлӗ категорисене ҫеҫ пырса тивет. Тулли перечене РФ Правительстви ҫирӗплетӗ», — тесе ҫырнӑ Телеграмри хӑйӗн каналӗнче РФ Патшалӑх Думин председателӗ Вячеслав Володин.

#саккунсем, #тӳлевсем, #укҫа-тенкӗ