morgau.cap.ru сӑнӳкерчӗкӗ

Шӑматкун, юпа уйӑхӗн 14-мӗшӗнче, Муркаш муниципаллӑ округӗнчи Кашмашри культура ҫуртӗнче «Хӗрарӑм, сан умӑнта таятӑп пуҫӑма» республика конкурсӗн финалӗ иртнӗ.

Ун пек конкурс кӑҫалхипе пиллӗкмӗш хут иртет.

Финала 8 муниципаллӑ округри хӗрарӑмсем тухнӑ. Вӗсем — Ҫӗрпӳ, Канаш, Шупашкар, Муркаш, Хӗрлӗ Чутай, Сӗнтӗрвӑрри, Ҫӗмӗрле, Йӗпреҫ тӑрӑхӗсенчен.

Конкурса хутшӑннисем хӑйсен пултарулӑхне тӗрлӗ енӗпе кӑтартнӑ. Муркаш тӑрӑхӗнчи Галина Голубева (вӑл Москакассинчи культура ҫурчӗн заведующийӗ) чӑваш апатне хатӗрлемелли конкурсра хуран кукли тата ҫӳхӳ пӗҫернӗ.

Конкурса хутшӑннӑ кашни хӗрарӑмах тӗрлӗ номинацире чысланӑ.

#Хӗрлӗ Чутай районӗ, #Кашмаш, #Муркаш районӗ, #Шупашкар районӗ, #Канаш районӗ, #Ҫӗрпӳ районӗ, #йӑла-йӗрке, #чӑвашлӑх, #пултарулӑх, #конкурссем, #Москакасси, #Муркаш районӗ, #Сӗнтӗрвӑрри районӗ, #Ҫӗмӗрле районӗ, #Йӗпреҫ районӗ