cap.ru сайтри сӑн

Ҫӗртме уйӑхӗн 27-мӗшӗнче республикӑра ҫил-тӑвӑл алхаснӑ чухне шкулсем шар курнӑччӗ. Уйрӑмах Комсомольски, Йӗпреҫ, Канаш районӗсенче пурӑнакансем тӑкак тӳснӗ.

Шар курнӑ 7 шкултан 5-шӗ – Комсомольски районӗнче: Хырхӗрри, Урмаел, Хирти Сӗнтӗр, Чӗчкен, Асанкасси шкулӗсем. Вӗсенче юсав ӗҫӗсене туса пӗтернӗ, пӗлӳ ҫурчӗсем вӗренӳ ҫулне хатӗр.

Йӗпреҫ районӗнчи Пучинке шкулӗнче те юсаса пӗтернӗ. Канаш районӗнчи Шелттем шкулӗнче вара хальлӗхе ӗҫсем пӗтмен.

#Урмаел, #Хырхӗрри, #Комсомольски районӗ, #Йӗпреҫ районӗ, #Канаш районӗ, #шкулсем, #вӗренӳ, #Хирти Сӗнтӗр, #Чӗчкен, #Асанкасси