Cap.ru сӑнӳкерчӗкӗ

14-мӗш номерлӗ троллейбус ҫулталӑк каялла Шупашкарти «Хӗвеллӗ» микрорайона ҫӳреме тытӑннӑ. Халӗ унӑн маршрутӗнче черетлӗ улшӑну пулса иртӗ – транспорт «Университет» микрорайона ҫитме пуҫлӗ. Асӑннӑ маршрутпа ҫӳрекен троллейбус «Университет» микрорайон тӑрӑх автономи мелӗпе утӑ уйӑхӗн 9-мӗшӗнчен тытӑнса ҫӳрӗ. Вӑл сехет йӗппи ҫаврӑннӑ евӗр ҫаврӑнӗ. Троллейбус «Миначев академик урамӗ», «Вӑрманлӑ», «Университет-2» общество транспорчӗн чарӑнӑвӗсенче чарӑнӗ.

Маршрут ҫинче 13 троллейбус пулӗ. Вӗсем халӑх йышлӑ ҫӳрекен вӑхӑтра кашни 11-12 минутра пӗрре хутлӗҫ.

#Шупашкар, #троллейбуссем, #ҫул-йӗр, #пассажирсем