Шупашкарти аэропортра ӗнер, раштав уйӑхӗн 23-мӗшӗнче, 450-мӗш пассажира регистрациленӗ. Аэропортшӑн ку вӑл — рекордла кӑтарту.

Юбилейлӑ пассажир — Шупашкарти Лариса Николаева. Вӑл каланӑ тӑрӑх, аэропорт пулӑшӑвӗпе вӑл час-часах усӑ курать. Ӗнер хӗрарӑм Мускава «Победа» авиакомпани самолечӗпе вӗҫсе кайнӑ. Ӑна авиапассажирсене кӗтсе лармалли хӑтлӑ залпа усӑ курма сертификат панӑ.

Танлаштарма: 2017 ҫулта Шупашкарти аэропорт пулӑшӑвӗпе 251 пин пассажир усӑ курнӑ. Кӑҫал, ав, — 450 пин ҫын.Тепӗр майлӑ каласан, Шупашкартан тӗрлӗ хулана самолётпа вӗҫекен йышӗ ҫулсерен ӳссе пырать.

#Шупашкар, #пассажирсем, #самолётсем, #аэропортсем, #ҫул-йӗр, #статистика