«Про Город» сайтӗнчи сӑн

Паян, нарӑс уйӑхӗн 20-мӗшӗнче, каҫхи 6 сехет тӗлӗнче Шупашкарта Гастелло урамӗнчи 5-мӗш ҫуртра вырнаҫнӑ «Три поросенка» хупах тӑрринчен юр персе аннӑ. Шӑп ҫав вӑхӑтра унтан хӗрарӑм ачисемпе иртсе пынӑ.

Виҫҫӗшӗ те юр айне пулнӑ. Арҫын ача пуҫӗпех юр тыткӑнне лекнӗ. Вӑл 5-7 ҫулсенчи пек курӑннӑ. Юрать, ҫав вӑхӑтра ҫынсем иртсе пынӑ. Вӗсем юр айне пулнӑ хӗрарӑмпа ачасене чавса кӑларма пуҫланӑ. Ҫийӗнчӗх васкавлӑ медпулӑшу чӗннӗ.

Арҫын ачасем йӗркеллех. Хӗрарӑмӑн суран пулма пултарать. «Про Город» хаҫата халӑх корреспонденчӗ пӗлтернӗ тӑрӑх, вӑл ура ҫинче аран тӑнӑ.

Халӗ ӗҫ-пуҫа уҫӑмлатаҫҫӗ.

#Шупашкар, #ачасем, #пӑтӑрмахсем, #юр