Инстаграмри @aerocheb сӑнӳкерчӗкӗ

Дон ҫинчи Ростов хулине Шупашкартан тепӗр виҫӗ эрнерен самолётсем вӗҫме тытӑнӗҫ. Тата тӗрӗсрех каласан, 25 кунтан.

Шупашкарти аэропортра пӗлтернӗ тӑрӑх, Дон ҫинчи Ростова Чӑваш Енӗн тӗп хулинчен 2022 ҫулхи кӑрлач уйӑхӗн 1-мӗшӗнче самолётпа ҫитме май килес шанчӑк пур.

«ИрАэро» авиакомпани Шупашкартан самолёта 11 сехетре вӗҫтерме палӑртать.

Кӑрлач уйӑхӗн 1-мӗшӗнче, шӑматкун, Минеральные Воды хулине те самолёт вӗҫме тытӑнӗ. Унта вӑл пирӗн патран 17 сехетре ҫула тухӗ.

Кунсӑр пуҫне Ҫӗнӗ ҫул хыҫҫӑн тата тепӗр икӗ хулана авиарейссем уҫӑлмалла.

Хальлӗхе палӑртнӑ тӑрӑх, Краснодара самолётсем эрнекунсерен, Ҫӗнӗ Уренгоя вырсарникунсерен вӗҫӗҫ.

#Дон ҫинчи Ростов, #Краснодар, #Ҫӗнӗ Уренгой, #Шупашкар, #аэропортсем, #самолётсем, #ҫул-йӗр, #Минеральные Воды