zakon.temaretik.com сайтри сӑн

Ача пахчинче воспитательте ӗҫлекен 52 ҫулти хӗрарӑм ултавҫӑсене 2 миллион тенкӗ ытла куҫарса панӑ. Кун пирки вӑл полицие пӗлтернӗ.

Палламан ҫын ун патне юпа уйӑхӗн 11-мӗшӗнче шӑнкӑравланӑ. Вӑл банк ӗҫченӗ имӗш. Хайхискер каланӑ тӑрӑх, унӑн ячӗпе такам кредит илесшӗн, укҫине вӑрласшӑн. Палламан ҫынсем хӗрарӑм патне 4 кун шӑнкӑравланӑ. Юлашкинчен хӗрарӑм кредит илнӗ, укҫине вӗсене куҫарса панӑ. Ултавҫӑсем «вӑрттӑн операцие» татас мар тесе кун пирки никама та пӗлтерме хушман.

Хӗрарӑм кредит илнӗ чухне хваттерне салук хунӑ. Ултавҫӑсене вӑл 2 млн ытла тенкӗ куҫарса панӑ. Кун тӗлӗшпе пуҫиле ӗҫ пуҫарнӑ.

#ултавҫӑсем, #укҫа-тенкӗ, #полици