"Про Город" сайтри сӑн

Канаш районӗнчи Шӑхасан ялӗнче ҫурт ҫунса кайнӑ. Пӑтӑрмах ӗнер 16 сехет те 40 минутра пулнӑ.

Ҫуртра тивӗҫлӗ канури ҫын пурӑннӑ. Вӑл лавккана тухса кайнӑ. Каялла килнӗ – ҫурт ҫук. Ҫулӑм кӳршӗсен ҫурчӗ ҫине те куҫма пултарнӑ. Анчах ял ҫыннисем кар тӑнӑ, пушара сӳнтерме тухнӑ. Сӑнчӑр евӗр тӑрса шыв витрине пӗр-пӗрне панӑ. Сахалтан та 50 ҫын пухӑннӑ.

Пушарнӑйсем ҫур сехетрен ҫитнӗ. Вӗсене ял ҫыннисем те ҫулӑма сӳнтерме пулӑшнӑ. Вырӑнта васкавлӑ медпулӑшу тухтӑрӗсем, полицейскисем те пулнӑ.

#полицейскисем, #Шӑхасан, #Канаш районӗ, #пушарсем, #пӑтӑрмахсем, #тухтӑрсем