Кӑрлач уйӑхӗн 16-мӗшӗнче Йӗпреҫ районӗнче икӗ пӑши аҫине персе вӗлернине тупса палӑртнӑ. Ҫак тискер ӗҫе кам тунине тепӗр кунхинех уҫӑмлатнӑ: вӑл – ҫак районтах пурӑнакан 45 ҫулти арҫын.

Арҫыннӑн саккуна пӑсса сунара тухнӑшӑн явап тытма тиветех. РФ Уголовлӑ кодексӑн 258-мӗш статйин 2-мӗш пайӗпе килӗшӳллӗн ӑна 500 пинрен пуҫласа 1 миллион тенкӗ таран штрафлама пултарӗҫ. Кун пек преступленишӗн 3-5 ҫуллӑха хупас хӑрушлӑх та пур. Кунсӑр пуҫне виҫӗ ҫул таран хӑш-пӗр должноҫре ӗҫлеме юрамӗ.

Ку кӑна мар, браконьерӑн патшалӑха тата чӗрчунсен тӗнчине кӳнӗ тӑкака та саплаштармалла: 480 пин тенкӗ тӳлемелле.

#Йӗпреҫ районӗ, #чӗрчунсем, #штрафсем