"Про Город" сайтри сӑн

Шупашкарти ҫӗнӗ кӑнтӑр районӗнче пурӑнакан Гузель пӑшӑрханса ӳкнӗ – упӑшки пӗр эрне ӗнтӗ килте ҫук. Вӑл ӑна шыраса тупасшӑн, «Про Город» хаҫатран пулӑшу ыйтнӑ.

Икӗ ача ашшӗ, 29 ҫулти Альберт Шамсутдинов, чӳк уйӑхӗн 28-мӗшӗнче ирхине 8 сехет ҫитеспе ӗҫе тухса кайнӑ. «Ҫав кун телефонӗ ҫине шӑнкӑрав каятчӗ, мессенджерсем ҫине ҫырусем ҫитетчӗҫ. Вырсарникун, раштавӑн 1-мӗшӗнче, телефонӗ ҫине шӑнкӑрав кайма пӑрахрӗ», - каласа кӑтартнӑ арӑмӗ.

Шамсутдиновсен ачисем 5-ре тата 1,5 ҫулта. Мӑшӑрӗ полицие кайса заявлени ҫырнӑ, халӗ ӑна полицейскисем те шыраҫҫӗ.

Килтен кайнӑ чухне Альберт хура калпак, хура куртка, хура шӑлавар, хура кроссовка тӑхӑннӑ пулнӑ.

#Шупашкар, #шыравсем, #полици