«Чӑваш Ен – Атӑл чӗри» проектпа килӗшӳллӗн, Шупашкарти Хӗрлӗ лапама тата кӳлмеке реконструкцилеме палӑртнӑ. Ку ӗҫе мӗнле компани пуҫӑнасси паллӑ.

Ятарласа аукцион ирттернӗ. Унта икӗ организаци хутшӑннӑ. «Правда ПФО» сайтра хыпарланӑ тӑрӑх, килӗшӗве «Дорисс» паркпа алӑ пусӗҫ.

Хӗрлӗ лапама тата кӳлмеке реконстукцилеме малтанах 1 миллиард та 259 миллион тенкӗ уйӑрма палӑртнӑ. Аукцион вӑхӑтӗнче «Дорисс» организаци хака 6 миллион тенкӗ чакарнӑ. Ҫапла майпа Шупашкарти ҫак икӗ вырӑна 1 миллиард та 253 миллион тенкӗпе ҫӗнетӗҫ.

#аукционсем, #кӳлмек, #Шупашкар, #укҫа-тенкӗ