Ӗнер Чӑваш Енре каҫхине аслатиллӗ ҫумӑр ҫурӗ. Аслати самай вӑйлӑ кӗмсӗртетрӗ, ҫиҫӗм ҫине-ҫине ҫиҫнипе урам ҫуталса кӑна тӑчӗ.

Ӗнер каҫхи 11 сехет хыҫҫӑн Муркаш районӗнчи Хорнуй ялӗнче пӗр кил хуҫалӑхӗнче пушар алхаснӑ. Малтанлӑха пӗлтернӗ тӑрӑх, ҫулӑм аҫа ҫапнӑран тухнӑ.

Пушар пурӑнмалли ҫурта, сарая, лаҫа, ампара тӗп тунӑ. Кӳршисен ҫурчӗн карнизӗ те сиенленнӗ.

Ӗнер аслатиллӗ ҫумӑр вӑхӑтӗнче Сӗнтӗрвӑрри районӗнче те пушар тухнӑ. Унта вара дача ҫунса кайнӑ. Ӑна та аҫа ҫапнӑ

#Муркаш районӗ, #Сӗнтӗрвӑрри районӗ, #пӑтӑрмахсем, #Хорнуй, #пушарсем