Патӑрьел район администрацине ертсе пыракан Рудольф Селивановӑн аслӑ диплом илни ҫинчен калакан диплом ҫук-мӗн. Вӑл аслӑ шкулта пачах вӗренмен мар-ха. Официаллӑ ҫӑлкуҫсенчи биографире маларах вӑл икӗ дипломлине пӗлтернӗ. Анчах халӗ, Александр Белов журналист пӗлтернӗ тӑрӑх, муниципалитетӑн сайтӗнчи биографире улшӑну пулса иртнӗ.

Журналист унчченхи хыпарӑн скриншочӗсене те вырнаҫтарнӑ. Унта ҫырни тӑрӑх хакласан, Рудольф Селиванов 2001 ҫулта Мускаври прикладной биотенхнологи университетӗнче «Финанс тата кредит» специальноҫа алла илнӗ. Халӗ ҫав хаклӑ хут ҫинчен калакан йӗрке ҫухалнӑ.

Александр Белов прокуратура Патӑрьел районӗнче нумаях пулмасть тӗрӗслев ирттернине, ҫавӑн вӑхӑтӗнче суя дипломлисене тупса палӑртнине асӑннӑ.

#прокуратура, #тӗрӗслевсем, #Мускав, #тӳре-шара, #вӗренӳ, #Патӑрьел районӗ