Чӑваш патшалӑх академи юрӑпа ташӑ ансамблӗ

Чӑваш патшалӑх академи юрӑпа ташӑ ансамблӗ Пушкӑртстанра пӗрре мар пулнӑ. Чи пысӑк йышпа (70 ҫынна яхӑн) 1990 ҫулта чӑваш литература классикӗ К. Иванов 100 ҫул тултарнӑ чухне килнӗччӗ. Апла пулсан Шупашкар артисчӗсене Пушкӑртстан килӗшет‚ хӑй патне туртать‚ куракансем те вӗсен пултарулӑхӗпе кӑмӑллӑ. Шӑпах ҫак сӑлтавсене тӗпе хурса ансамбль пуш уйӑхӗн вӗҫӗнче — ака пуҫламӑшӗнче республикӑна гастроле килме палӑртнӑ.

Кӗскен пӗлтерсен вӗсен маршручӗ ҫапла пулӗ:

● Пушӑн 28-мӗшӗ — Пелепей хули‚ Культура керменӗ;

● Пушӑн 29-мӗшӗ — Ҫтерлӗ хули‚ Хула культура ҫурчӗ;

● Пушӑн 30-мӗшӗ — Федоровка ялӗ‚ Культура керменӗ;

● Пушӑн 31-мӗшӗ — Толбазӑ ялӗ‚ Культура керменӗ.

● Акан 1-мӗшӗ — Пишпӳлек районӗ‚ Пӑслӑк ялӗ;

● Акан 2-мӗшӗ — Мияки районӗ‚ Тимеш ялӗ;

● Акан 3-мӗшӗ — Чекмагуш районӗ‚ Юмаш ялӗ;

● Акан 4-мӗшӗ — Ермеккей ялӗ‚ Культура керменӗ.

Концертсем 19 сехетре (Ермеккейре — 16.00) пуҫланаҫҫӗ.

Тӑван чӗлхе‚ культура ячӗпе пӗр ҫын пек пулса кӑмӑл тӑвакансене пурне те кану каҫне йыхравлаҫҫӗ!

#Толбазӑ, #Пелепей, #Ҫтерлӗ, #ӑваш патшалӑх академи юрӑпа ташӑ ансамблӗ, #Пушкӑртстан, #Пишпӳлек районӗ, #Пӑслӑк, #Тимеш, #Юмаш, #Ермеккей