Ӳнер: Куккуклӑ сехет ҫывӑхрах шаккать

Пӗлтерӳ хушПӗлтерӳсем

Сутатӑп Уйăхри пăру сутатăп.Хакĕ килĕшсе татăлнипе.

Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Таисия Ташней 25.02.2016 21:40 | 2817 хут пӑхнӑ

Ӳнер

"Куккуклӑ сехет" спектакльти сыпӑк

К.В. Иванов ячӗллӗ Чӑваш патшалӑх академи драма театрӗнче сцена ҫине черетлӗ премьера кӑларма хатӗрленнине эпир пӗлтернӗччӗ. Аса илтеретпӗр, унта Марина Карягина пьеси тӑрӑх «Куккуклӑ сехет» спектакль куракан патне ҫитерӗҫ. Премьерӑна ҫитес уйӑх репертуарне кӗртнӗ. Ҫӗнӗ спектакле куракансен пуш уйӑхӗн 16-мӗшӗнче хаклама май килӗ.

Спектакле режиссер-постановщик тата художник пулса театрӑн тӗп режиссерӗ, СССР халӑх артисчӗ Валерий Яковлев хӑй лартать.

Пьесӑра автор малашлӑхсӑр шутланакан ял пурнӑҫне кӑтартнӑ. Унти икӗ сӑнар урлӑ автор мӗн калассине куракан хӑй курса хаклатӑр тенӗрен хайлавӑн содержанине уҫса парар мар.

Пьеса авторӗ Марина Карягина 1969 ҫулта Патӑрьел районӗнчи Кивӗ Ахпӳртре ҫуралнӑ, Чӑваш телекуравӗнче ӗҫлет.

#телекурав, #культура, #Патӑрьел районӗ, #премьерӑсем, #спектакльсем, #Кивӗ Ахпӳрт, #академи драма театрӗ

Хыпар ҫӑлкуҫӗ: http://teatr.culture21.ru/news...aspx?s_page=0&LINK=104303

Комментари:

Пётр Кудрявцев, Ҫӗрпӳ хули // 2110.0.2762

2023.04.08 06:16

Для людей, ставящих во главу угла жизнь,культуру и быт современного села и для которых небезразлична судьба жителей наших сел и деревень... Рекомендую посетить спектакль по пьесе М.Карягиной "Часы с кукушкой"... Ҫак спектакльте эпӗ те пулса куртӑм..Чылай ҫул пулманччӗ Чӑваш драма театрӗнче.. Питӗ чун-чӗрене витермелле кӑларса пачӗҫ чӑваш артистчӗсем пирӗн, куракансен, умне паянхи ял сӑн-сӑпатне, ял ҫыннин сӑнарне, шухӑш-туйӑмӗсӗне тата малалли шухӑш-ӗмӗчӗсӗне...Тӗлӗнмелли самаях пулчӗ...Яланах аса илетӗп..Постановка, режиссура (режиссёр-постановщик СССР халӑх артисчӗ Валерий Яковлев) чӑнах та 21-мӗш ӗмӗрӗн шайӗнче..Питӗ ҫӳллӗ шайра...Спектаклӗн хӑвачӗ пьесӑн сюжечӗнчен (содержанийӗнчен), паллах, нумай килет...Питӗ ӑнӑҫлӑ, халӑха ӑнланмалла, тӑрӑшса ҫырнӑ пьесӑна пултаруллӑ драматург Марина Карягина.Вӗсене тата театрӑн пултаруллӑ та хастар ӗҫченӗсене пысӑк Тав сӑмахӗ йышӑнма ыйтатӑп!