Ӗнер каҫхине, ака уйӑхӗн 17-мӗшӗнче, Ҫӗнӗ Шупашкарта темӗнле ҫынсем троллейбуса пенӗ. Ҫав вӑхӑтра транспортра ҫын нумай пулнӑ.
Троллейбус ҫав самантра Винокуров урамӗнчен Строительсен урамне пӑрӑнма тӑнӑ. Палламан ҫынсем пенӗ хыҫҫӑн транспортӑн кантӑкӗ ҫӗмӗрӗлнӗ. Юрать-ха, ҫынсем аманман.
Хальлӗхе ку пӑтӑрмах пирки урӑх нимӗн те пӗлтермен.
Шупашкарта та, Ҫӗнӗ Шупашкарта та общество транспортӗнче билет хакӗ ӳсӗ. Кун пирки ЧР транспорт министрӗн ҫумӗ Юрий Арлашкин «тӳрӗ линире» пӗлтернӗ. Спутник хулара хаксене акан 22-мӗшӗнчен хӑпартӗҫ. Шупашкарта вара акан 28-мӗшӗ хыҫҫӑн - кунӗ паллӑ мар-ха.
Шупашкарта билет хакӗ 7 процент ӳсмелле. Троллейбусра чӗрӗ укҫапа тӳлесен 32 тенкӗ пулӗ, карттӑпа - 29 тенкӗ. Автобусра 33 тенкӗ тата 30 тенкӗ.
Ҫӗнӗ Шупашкар - Шупашкар маршрут ҫинче вара билет хакӗ карттӑпа тӳлесен 8 тенкӗ ытларах пулӗ, чӗрӗ укҫапа тӑк - 6 тенкӗ ытларах.
Паян 17 сехет ҫурӑра Шупашкарта Хусанкай урамӗнчи чарӑнура 10-мӗш маршрутпа ҫӳрекен троллейбус ҫӑмӑл машинӑпа ҫапӑнна. Кун пирки «Про Город» хаҫата халӑх корреспонденчӗ пӗлтернӗ.
Ҫак троллейбусри ҫынсене салонран тухма ыйтнӑ. 1-мӗш тата 20-мӗш маршрутсемпе ҫӳрекен троллейбуссенчи пассажирсен те урама тухма тивнӗ.
ШӖМ малтанлӑха пӗлтернӗ тӑрӑх, авврире никам та шар курман.
Чӑваш транспорт управленийӗ республикӑна ҫӗнӗ троллейбуссем килнине пӗлтерет. Паянхи куна «Горожанин» ятлӑ 7 троллейбус килсе ҫитнӗ. Вӗсене республика хысни шучӗпе туяннӑ. Нарӑс вӗҫӗччен пирӗн пата тата тепӗр 14 троллейбус илсе килмелле. Ҫапла вара 21 ҫӗнӗ троллейбус пулӗ.
Ӗнер Чӑваш транспорт управленийӗнче республика Правительствин вице-премьерӗ Павел Данилов тата транспортпа ҫул-йӗр хуҫалӑхӗн министрӗ Максим Петров пулнӑ. Вӗсем Ӗпхӳрен нумай пулмасть илсе килнӗ «Горожанин» троллоейбуссене хаклама пынӑ.
Ҫӗнӗ транспорт муниципалитетсем хушшинчи 62-мӗш маршрутпа ҫула тухӗ. Вӑл Ҫӗнӗ Шупашкарти «Иваново» микрорайона Шупашкарти «Чапаев ячӗллӗ производство пӗрлешӗвӗ» чарӑнупа ҫыхӑнтарӗ.
Вӗсен Чӑваш Ене пӗлтӗр раштав уйӑхӗн 1-мӗшӗчченех килмелле пулнӑ. Анчах паянхи кун кӑна илсе ҫитернӗ. Сӑмах – ҫӗнӗ троллейбуссем пирки. Паян республикӑна троллейбуссен пӗрремӗш партийӗ ҫитнӗ. Транспорта Шупашкарти троллейбус депоне кӳрсе килнӗ.
Аса илтерер: ҫӗнӗ троллейбуссемпе 62-мӗш маршрута хута ярасшӑн. Вӑл Ҫӗнӗ Шупашкарти Иваново микрорайонӗнчен Шупашкарти Чапаев савучӗ таран ҫӳрӗ. Малтанлӑха пӗлтернӗ тӑрӑх, маршрут пӗрремӗш квартал вӗҫӗнче уҫӑлмалла.
Кӑҫал Чӑваш Ене тепӗр 92 троллейбус илсе килмелле.
Паян ирпе Шупашкарта икӗ троллейбус ҫапӑннӑ. Вӗсем 5-мӗш тата 9-мӗш маршрутпа ҫӳрекенскерсем. Пӑтӑрмах ирхи 7 сехетре пулса иртнӗ.
Чӑваш Енӗн Шалти ӗҫсен минисерствин пресс-службинче хыпарланӑ тӑрӑх, «Николаев урамӗ» чарӑнӑва ҫитнӗ чухне 5-мӗш троллейбус водителӗ 9-мӗш маршрутпа ҫӳрекеннипе пырса ҫапӑннӑ. Малтанласа шухӑшланӑ тӑрӑх, пӑтӑрмах транспорт пӗр-пӗр хушшинче пулмалли инҫӗше пӑхӑнманнипе ҫыхӑннӑ.
Троллейбуссенчен пӗрин водительне, 25 ҫулти каччӑна, тата пилӗк пассажира тухтӑр пулӑшӑвӗ кирлӗ пулса тухнӑ.
Ҫӗнӗ ҫул каҫхин Шупашкарти троллейбуссемпе автобуссем ахаль чухнехинчен ытларах вӑхӑт ҫӳрӗҫ. Тӗп ҫулсемпе маршрута тухакан общество транспорчӗ ҫур ҫӗр иртсен тин, 1 сехетре, ӗҫлеме чарӑнӗ. Уяв кунӗсенче расписанире кӑштах улшӑнусем пулӗҫ.
Коммуналлӑ службӑсем те вӑйлӑрах режимпа ӗҫлӗҫ. Раштавӑн 30-мӗшӗнчен пуҫласа кӑрлачӑн 8-мӗшӗччен ҫулсемпе тротуарсене юртан тасатакан ятарлӑ техника талӑкӗпех дежурствӑра пулӗ. Авариллӗ бригадӑсем те хатӗр тӑрӗҫ.
Ҫӗнӗ ҫул каҫхине урамсене ҫӳп-ҫапран тасатакансем мероприятисем иртекен вырӑнсенче виҫӗ сменӑпа ӗҫлӗҫ.
Ҫӗнӗ Шупашкарта Ҫӗнӗ ҫул троллейбусӗ икӗ кун ҫӳрӗ. Салонра пассажирсене Хӗл мучипе Юр пике кӗтсе илӗҫ.
Акцин пӗрремӗш кунӗ паян иртет. Уяв троллейбусӗ 54-мӗш маршрутпа ҫӳрет. Троллейбус номерӗ - 1091.
Троллейбус паян 11 сехет те 14 минутра «Иваново» чарӑнуран ӗҫлеме пуҫланӑ.
Ҫӗнӗ ҫул троллейбусӗ тепрехинче ҫитес ҫул кӑрлачӑн 26-мӗшӗнче ҫула тухӗ.
Паян Шупашкарта «Садовый» микрорайона кӑвак тӗслӗ троллейбус ҫӳрет. Вӑл Алькешрен ҫак микрорайона каять. Хальлӗхе – тест режимӗнче.
Салонра пассажирсем те пур Паян кӑвак троллейбус 20 сехетчен маршрут ҫинче пулӗ. Ҫитес вӑхӑтра ӑна 14-мӗш маршрут ҫинче тӗрӗслӗҫ.
«КАМАЗ-65825» троллейбус «мӑйракасӑр» 20 ҫухрӑм таран кайма пултарать. Пынӑ ҫӗртех заряд илет, сехетре 70 ҫухрӑм хӑвӑртлӑхпа пыма пултарать.
Троллейбуса тӗрлӗ маршут ҫинче тӗрӗслӗҫ те кайран унашкал транспорта туяннӑ чухне кӑтартусене шута илӗҫ.
ЧР Элтеперӗ Олег Николаев унччен Ҫӗнӗ Шупашкарти транспорт реформи 2024 ҫул пуҫламӑшӗнче пурнӑҫланма тытӑнассине пӗлтернӗччӗ. Ун валли ятарласа 21 троллейбус туяннӑ. Анчах транспорт каярахпа, 2024 ҫулӑн пӗрремӗш кварталӗнче, кӑна ҫитӗ. Ку савут патшалӑх хӳтӗлев саккасне пурнаҫланипе ҫыхӑннӑ.
Троллейбуссене ҫитес ҫул кӑрлачӑн 2-мӗшӗнче яма палӑртнӑ. Анчах халӗ ку срока каярах куҫарнӑ. Транспорт 62-мӗш маршрут валли пулӗ. Вӑл «Иваново» микрорайон – «Шупашкарти Чапаев ячӗллӗ производство пӗрлешӗвӗ» маршрутпа ҫӳрӗ.
+13.3 °C