Ыран Шупашкарта 1-мӗш маршрутпа вӗр ҫӗнӗ троллейбуссем ҫӳреме тытӑнӗҫ. ЧР Элтеперӗ Олег Николаев пӗлтернӗ тӑрӑх, маршрутри транспорта тӗпрен улӑштарнӑ.
Троллейбуссене пӗлтӗр юпа уйӑхӗнче «Хӑрушсӑр паха ҫулсем» наци проекчӗпе килӗшӳллӗн субсидии лизингӗпе илнӗ. Пӗтӗмпе 40 троллейбус туяннӑ.
1-мӗш маршрут – чи вӑрӑммисенчен пӗри. Унпа нумай ҫын усӑ курать. Ҫулталӑкне вӑтамран 10 миллион ытла ҫын ҫӳрет.
Ҫӗнӗ ҫул каҫхине Шупашкарта троллейбуссемпе автобуссем ҫур ҫӗр иртни 1 сехетчен ҫӳрӗҫ. Хула администрацийӗн сайтӗнче пӗлтернӗ тӑрӑх, общество транспортне тӗп магистраль маршручӗсемпе кӑна ярӗҫ. Вӗсем хӑшӗсем пулнине палӑртман.
Кӑрлачӑн 1-2-мӗшӗсенче общество транспорчӗ вырсаникунхи маршрутпа ҫӳрӗ.
Раштавӑн 31-мӗшӗнче Шупашкарта йӑлана кӗнӗ ретро-троллейбус ҫула тухӗ. Вӑл яланхи пекех Трактор тӑвакансен проспектӗнчен пуҫласа «Университет» микрорайона ҫитӗ.
Троллейбус 9 сехет те 11 минутра ҫула тухӗ, рейса 16 сехет те 55 минутра вӗҫлӗ. Ӑна хитрелетсе Ҫӗнӗ ҫул сӗмӗ кӗртӗҫ.
Транспорт ӑҫта ҫитнине «Ӑслӑ транспорт» сарӑмра курма пулать.
Кӑрлач уйӑхӗн 6-мӗшӗнче Ҫӗнӗ Шупашкарта Ҫӗнӗ ҫул троллейбусӗ ҫӳрӗ. Унтаи Хӗл мучипе Юр пике пулӗҫ.
Асамлӑха лекес килет-и? Апла 54-мӗш маршрутпа ҫӳрекен троллейбуса лармалла. Номерӗ – 1151.
Троллейбусра конкурссем, викторинӑсем пулӗҫ. Ҫӗнӗ ҫул тррллейбусӗ 10 сехет 57 минутра «Иваново» микрорайон» чарӑнуран тапранӗ. Вӑл 13 сехетчен ҫӳрӗ.
Общество транспотӗнче билет хакӗ ӳснӗренпе ҫур ҫул кӑна иртнӗ. Кӑрлачӑн 1- мӗшӗнчен каллех хакланасси пирки пӗлтереҫҫӗ.
Троллейбусра билет хакӗ 4-7 тенкӗ ӳсӗ. Ҫапла Ҫӗнӗ ҫул хыҫҫӑн билет 37 тенкӗ тӑрӗ. Карттӑпа тӳлесен – 33 тенкӗ. Автобусра та, Ҫӗнӗ Шупашкартан Шупашкара ҫӳрекен троллейбусра ҫак хаках пулӗ.
Ҫӗнӗ Шупашкарта троллейбуспа ҫӳреме 31 тенкӗ кирлӗ пулӗ, карттӑпа тӳлесен – 29 тенкӗ.
Ҫулталӑк вӗҫлениччен республикӑна 153 ҫӗнӗ троллейбус илсе килмелле. Вӗсене финансированин комбинациленӗ мелӗсемпе усӑ курса туянӗҫ. Ку таранччен ятарлӑ казначейство кредичӗсем пулӑшнипе 47 ҫӗнӗ автобус туяннӑ ӗнтӗ.
Ҫапла троллейбус паркне ҫӗнетесшӗн. ЧР Элтеперӗ Олег Николаев палӑртнӑ тӑрӑх, троллейбуссен вӑтам ӳсӗмӗ 6 ҫул таран пӗчӗкленнӗ.
Ҫӗнӗ Шупашкарти троллейбуса та ят панӑ. Ӑна Ҫӗнӗ Шупашкарти троллейбус управленийӗн пӗрремӗш ертӳҫине Владимир Петрова халалласа ят хунӑ.
Ҫак троллейбус 52-мӗш маршрутпа ҫӳрет: «Иваново» микрорайонтан Химпрома ҫитет. Салонра пассажирсене Владимир Петровӑн пурнӑҫӗпе паллаштараҫҫӗ. Сӑмах май, вӑл управлени ертӳҫинче 1976 ҫултан пуҫласа 2006 ҫулччен ӗҫленӗ.
Палӑртмалла: ят панӑ троллейбуссем Шупашкарта та пур.
Шупашкар транспорт управленийӗнче водительсем ҫитмеҫҫӗ. Ҫавна май предприяти унта ӗҫлеме килекенсене укҫан хавхалантарма йышӑннӑ.
Тӗслӗхрен, ача ҫуралсан 50 пин тенкӗ параҫҫӗ. Ача 18 ҫул тултарман, вӑл вӗренет пулсан авӑнӑн 1-мӗшӗ тӗлне 5 пин тенкӗ илме пулать. Ҫавӑн пекех «Тусна илсе кил» акци пуҫарнӑ. Юлташне ӗҫлеме илсе килнӗ ӗҫчене 10 пин тенкӗ премипе хавхалантараҫҫӗ.
Предприяти ӗҫченӗсен ипотекӑн пӗр пайнӗ саплаштарас мая, пӑхса тухать. Ку мерӑна ҫитес ҫултан йышӑнма палӑртнӑ.
Шупашкарта авӑн уйӑхӗнче троллейбуссенче СПБ урлӑ тӳлесен билет хакӗ 8 тенкӗ йӳнӗрех пулнӑ. Ку акцие ҫулталӑк вӗҫӗччен тӑсма йышӑннӑ. Ку мелпе Шупашкарта тата Ҫӗнӗ Шупашкарта тӳлеме пулать. Акци раштав уйӑхӗн 31-мӗшӗччен тӑсӑлӗ.
Ҫапла майпа Шупашкарти троллейбуссенче тата Ҫӗнӗ Шупашкара ҫӳрекен 62-мӗш троллейбусра билет хакӗ 21 тенкӗ пулӗ. Ҫӗнӗ Шупашкарти троллейбуссенче вара – 17 тенкӗ.
Чӳк уйӑхӗн 7-мӗшӗнче Чӑваш Ен 1-мӗш маршрутпа троллейбус янӑранпа 60 ҫул ҫитнине паллӑ тӑвать. Шӑпах ҫав кунран республикӑра троллейбус ҫӳреме тытӑннӑ тесе палӑртнӑ.
Чӑваш транспорт управленийӗнче ӗҫлекенсем сӗннипе икӗ маршрута ят панӑ. 62-мӗш маршрутпа ҫӳрекен икӗ троллейбуса Геннадий Устинов тата Виталий Орешников ятне панӑ. Вӗсем - троллейбус управленине нумай ҫул ертсе пынӑ ҫынсем. Иккӗшӗ те ҫак тилхепене 22-шер ҫул тытса пынӑ.
Сӑмах май, троллейбуссене ят пани – Раҫҫейре пӗрремӗш хут
+9.3 °C