Хулара
yur-gazeta.ru сайтри сӑн Шупашкарти ача пахчин заведующийӗ виҫӗ ҫыншӑн ӗҫленӗ пек укҫа илсе тӑнӑ. Ҫапла ҫулталӑк ҫурӑ пулнӑ. 2021 ҫулхи пуш уйӑхӗнчен пуҫласа пӗлтӗрхи авӑн уйӑхӗччен вӑл делопроизводитель тата хуралҫӑ вырӑнне ача пахчинче унччен ӗҫленӗ ҫынсене вырнаҫтарнӑ. Лешсем вара ӗҫлемен. Заведующи табеле ӗҫ кунӗсене ҫырса пынӑ. Ҫав икӗ ҫыннӑн пенси стажӗ пынӑ, вӗсемшӗн паракан укҫапа вара заведующи хӑй усӑ курнӑ. Хыпар ҫӑлкуҫӗ:
|
Хулара
cap.ru сайтри сӑн Ӗнер, утӑ уйӑхӗн 3-мӗшӗнче, Атӑлта ҫамрӑк ГЭС ҫывӑхӗнче карапсем ҫӳремелли вырӑна ишсе ҫитнӗ. Анчах хайхискер каяла ишеймен – унӑн вӑйӗ пӗтнӗ. Кун пирки ҫынсем ҫӑлав службине шӑнкӑравласа пӗлтернӗ. Ҫӑлавҫӑсем ун патне часах ҫитнӗ, кимӗ ҫине лартса ҫыран хӗррине илсе тухнӑ. Вӗсем Атӑл урлӑ ишсе каҫма хӑтланнӑ ҫамрӑкпа тӗплӗ калаҫу ирттернӗ, хӑрушлӑх пирки ӑнлантарнӑ. Хыпар ҫӑлкуҫӗ:
|
Хулара
big-rostov.ru сайтри сӑн Шупашкар хӗрарӑмӗ пухнӑ укҫине ултавҫӑсене тыттарса янӑ. Вӑл полицие пырса кун пирки пӗлтернӗ. Ун патне ирхине палламан ҫын шӑнкӑравланӑ. Вӑл йӗрке хуралҫи-мӗн. Хайхискер каланӑ тӑрӑх, хӗрарӑм экстремистла организацие укҫа куҫарнӑ, ҫавна май пуҫиле ӗҫ пуҫарнӑ. Ҫакна ултавҫӑсем хӑтланнӑ-имӗш. Вӗсен хура ӗҫне чарса лартма хайхи «йӗрке хуралҫи» укҫа-тенке хӑрушсӑр счет ҫине куҫарма сӗннӗ. Хӗрарӑм 1 миллион та 667 пин тенкӗ куҫарнӑ. Хыпар ҫӑлкуҫӗ:
|
Хулара
t.me/pro_cheby каналтан илнӗ сӑнӳкерчӗк Шупашкар хулинчи 176-мӗш ача пахчи умӗнчи тротуар ҫине ҫынсем хӑйсен машинисене лартма тытӑнса кайнӑ. «Шупашкарти 176-мӗш ача пахчи умӗнчи тротуар ҫинче парковка туса хучӗҫ. Кӳмепе унтан иртсе кайма май ҫук, айккинчен пӑрӑнса ҫӳреме тивет, питӗ мелсӗр. Машинӑсене лартма юрамасть текен паллӑ вырнаҫтарма май ҫук-шим унта?» — тесе ҫырнӑ Телеграми каналсенчен пӗринче. Ку хыпара вуланисенчен хӑшӗсем шухӑшланӑ тӑрӑх, кун пек хыпара Телеграмра ҫырса лармалла мар, Ҫул-йӗр хӑрушсӑрлӑхӗн патшалӑх автоинспекцине систермелле, ун пек тусан транспорт хуҫисене явап тыттарӗҫ. Хыпар ҫӑлкуҫӗ:
|
Хулара
t.me/pro_cheby каналтан илнӗ сӑнӳкерчӗк Шупашкар хулинче пурӑнакансем пусма картлашкине такам вӑрлать тесе шухӑшлаҫҫӗ. Кун пирки вӗсем Телеграмри «Чебоксары в курсе» каналта хыпарланӑ. Хулан Восточнӑй поселокӗнче ҫул айӗнчен каҫса ҫӳремелли вырӑна тимӗр картлашкасенчен йӗркеленӗ. Хитре, пысӑк картлашкасенчен. Анчах пусма картлашкисем пӗрин хыҫҫӑн тепри ҫухалма тытӑннӑ. Маларах эпир асӑннӑ ҫӑлкуҫра хыпарланӑ тӑрӑх, пусма картлашкине малтан такамсем хускатаҫҫӗ, унтан пӗр виҫӗ кун иртсен ҫав тимӗр таҫта кайса ҫухалать. «Те тимӗр-тӑмӑра ӑсатаҫҫӗ, те такам хӑйӗн дачине йӑтса каять», — пуҫ ватаҫҫӗ хула ҫыннисем. Тимӗр картлашка ҫук вырӑнпа анса ҫӳреме йывӑр, йӗпе-сапара ҫав вырӑн нӳрелсе каять те урана шуҫтарать-мӗн. Хыпар ҫӑлкуҫӗ:
|
Хулара
Шупашкарта Чонгар Михайлович Шлепнев ячӗллӗ сквер тӑвасшӑн. «Энергозапчасть» чарӑну патӗнче сквер пур. Шӑпах ӑна унӑн ятне парасшӑн. Шлепнев «Энергозапчасть» савут пуҫлӑхӗ пулнӑ. Чонгар Михайлович 2019 ҫулта пурнӑҫран уйрӑлнӑ. Вӑл чылай ҫул чирленӗ. Ҫӗре кӗнӗ чухне 86 ҫулта пулнӑ. Палӑртмалла: Чонгар Михайлович Мускавра 1932 ҫулта суралнӑ. «Энергозапчасть» савута 1987 ҫулта ертсе пыма пуҫланӑ. 2014 ҫулта тӗп директор тивӗҫне ывӑлӗ Юрий йышӑннӑ. Чонгар Михайлович директор пулнӑ. Хыпар ҫӑлкуҫӗ:
|
Хулара
Инкеклӗ лару-тӑру министерстви тунӑ сӑн Паян ирхине Шупашкарти Трактор тӑвакансен проспектӗнчи 34-мӗш ҫуртра пушар пулнӑ. Унта пӗрремӗш хутри хваттер ҫуннӑ. Ҫав вӑхӑтра 19-ти каччӑ 8 ҫулти тата 13-ри йӑмӑкӗсемпе килте пулнӑ. Ирхи 7 сехет ҫурӑра асли тӗтӗм шӑршипе вӑраннӑ. Вӑл йӑмӑкӗсене вӑратса урама тухнӑ. Иртен-ҫӳрен ҫулӑм тухнине курса пушарнӑйсене чӗннӗ. Хваттерте тӗпел ҫуннӑ. Кӳршӗре пурӑнакан хӗрарӑмпа ачана ҫӑлавҫӑсем урама тухма пулӑшнӑ. Малтанлӑха пӗлтернӗ тӑрӑх, пушар юсавсӑр электропралука пула тухнӑ. Хыпар ҫӑлкуҫӗ:
|
Хулара
Шупашкарта 74 ҫулти кинемей ҫухалнӑ. Ӑна «Лиза Алерт» хастарӗсем те шыраҫҫӗ. Ильвира Грингорьевна Карзакова (Убакова) килтен ҫӗртме уйӑхӗн 27-мӗшӗнче тухса кайнӑ. Ҫакӑ паллӑ: ӑна медпулӑшу кирлӗ. Кинемей ҫӳллех мар – 160 сантиметр, куҫӗ кӑвак, ҫӳҫӗ кӑвакарнӑ. Килтен кайнӑ чухне кӗрен халат, тӗттӗм нуски хӗрлӗ тапочкӑ тӑхӑннӑ пулнӑ. Ун пирки мӗн те пулин пӗлетӗр тӗк ҫак номерсемпе шӑнкӑравлама ыйтаҫҫӗ: 8(800)700-54-52 е 112. Хыпар ҫӑлкуҫӗ:
|
Хулара
pravdapfo.ru сайтри сӑн Шупашкарти «Садовый» микрорайонта пурӑнакансем шкул уҫӑласса чӑтмсӑррӑн кӗтеҫҫӗ. Унӑн алӑкӗ хӑҫан яои уҫӑлӗ? Ҫак кун часах ҫитесси пирки тӳре-шара пӗрре мар каланӑ. Анчах ку таранччен те шкул уҫӑлман-ха. ЧР Элтеперӗ Олег Николаев унта кӑҫал аванӑн 1-мӗшӗнчен ачасем вӗренме пуҫласса шантарнӑччӗ. Анчах микрорайонти ҫынсен ҫӗнӗ шкула татах кӗтме тивӗ. «Правда ПФО» сайт пӗлтернӗ тӑрӑх, халӗ ӑна кӑҫал раштав уйӑхӗн 1-мӗшӗ тӗлне уҫма шантарнӑ. Аса илтерер: ҫӗнӗ шкулта 1650 ача валли вырӑн пулмалла. Хыпар ҫӑлкуҫӗ:
|
Хулара
pg21.ru сайтран илнӗ сӑнӳкерчӗк Шупашкарта нумай хваттерлӗ ҫурт ҫине йывӑҫ персе аннӑ. «PROГород» хаҫат халӑх корреспонденчӗ пӗлтерни тӑрӑх ҫапларах хыпарланӑ: утӑ уйӑхӗн 27-мӗшӗнче ирхине Шупашкарти Вокзалҫум урамри 10-мӗш ҫурт ҫине йывӑҫ ӳкнӗ. Асӑннӑ ҫӑлкуҫра вырнаҫтарнӑ сӑнӳкерчӗк тӑрӑх хакласан, ҫурт ишӗлмен, чӳрече кантӑкӗсем те ванман курӑнать. Йывӑҫ ҫурт стени ҫине персе аннӑ, ун ҫине таянса тӑрать. Хыпар ҫӑлкуҫӗ:
|
Шупашкарта ҫывӑх вӑхӑтра (29.09.2024 03:00) тӗтреллӗ ҫанталӑк, атмосфера пусӑмӗ 757 - 759 мм, 16 - 18 градус ӑшӑ пулӗ, ҫил 5-7 м/ҫ хӑвӑртлӑхпа кӑнтӑр енчен вӗрӗ.
| Иван Мучи, чӑваш ҫыравҫи ҫуралнӑ. | ||
| Виноградов Нестор Петрович, Чӑваш АССРӗн тава тивӗҫлӗ артисчӗ вилнӗ. | ||
Пулӑм хуш... |