Кӑҫалхи чӳк уйӑхӗнче Дубай хулинче тӗнчери чи ҫӳллӗ хӑна ҫурчӗ уҫӑлӗ. Ciel Dubai Marina отель 82 хутлӑ пулӗ. Кун пирки Дубай правительствин пресс-служби пӗлтернӗ.
82 хутлӑ хӑна ҫурчӗ 377 метр ҫӳллӗш пулӗ. Паянхи куна Дубайӗнчи чи ҫӳллӗ ҫурт — 356 метр.
Паянхи куна Мускаври «Федераци – Хӗвелтухӑҫ» башня 374 метр ҫӳллӗш, вӑл 97 хутран тӑрать. Башньӑна 2017 ҫулта хӑпартнӑ. Мускаври ҫав башньӑран те ҫӳллӗрех ҫурт — Питӗрти Финн кӳлмекӗн хӗрринче вырнаҫнӑ «Лахта Центр» башня, вӑл 462 метр ҫӳллӗш, вӑл 87 хутран тӑрать. Унта ҫынсене хӑпарса пӑхмалли лапам 365 метр ҫӳллӗшӗнче вырнаҫнӑ.
Елчӗкре 1887 ҫулта тунӑ йывӑҫ ҫурта реставраци тӑвасшӑн. Ку – ахаль ҫурт мар. Унта хӑй вӑхӑтӗнче Алексей Алексеевич Буйновский пурӑннӑ тата ӗҫленӗ. Вӑл — тухтӑр тата революци ӗҫченӗ.
Ҫак ҫурт паянхи кун та ларать, анчах ӑна юсаса ҫӗнетмелле. Унта халӗ те фойе, йышӑну пӳлӗмӗ, тухтӑрсен пӳлӗмӗсем пур. Хальлӗхе реставраци проекчӗ экспертизӑра. Чӑваш Енри патшалӑх экспертизи ӑна ырласан историпе архитектурӑн хӑйне евӗр палӑкӗ ҫӗнелӗ.
Шупашкарта пурӑнакан Екатерина Емелина паян, авӑн уйӑхӗн 11-мӗшӗнче, 100 ҫул тултарнӑ.
Екатерина Захаровна Улатӑрта ҫуралнӑ. Унти ял хуҫалӑх техникумӗнче, кайран Шупашкарти коопераци техникумӗнче вӗреннӗ. Потребкоопераци тытӑмӗнче ӗҫленӗ. Потребкооперацин тава тивӗҫлӗ ӗҫченӗ ята тивӗҫнӗ.
Халӗ вӑл Шупашкарта пурӑнать. Ӑна кӗрӳшӗпе мӑнукӗ пӑхаҫҫӗ. Ватӑ ҫын хӑй те ӑспа-тӑнпа пурӑнать, утса ҫӳрет. Мӑнукӗ каланӑ тӑрӑх, нумай хваттерлӗ ҫуртри хваттер виҫҫӗмӗш хутра вырнаҫнӑ та ватӑ ҫынна тухса ҫӳреме йывӑртарах.
Ватӑ ҫынна Шупашкарти тӳре-шара саламланӑ, Владимир Путинӑн открыткине те илсе ҫитернӗ. Ҫӗршыв Президенчӗ саламлани ватта пушшех те савӑнтарнӑ.
Территорисене аталанма пулӑшакан фонд Чӑваш Енӗн заявкине ырланӑ май республикӑри ишӗлекен 20 ҫуртри ҫынсене ҫӗнӗ ҫӗре куҫарма йышӑннӑ.
Ӗнер иртнӗ ларура фонд тата тепӗр 6 регионӑн заявкине ырланӑ, ҫав шутра Чӑваш Енӗнне те.
Кӑҫалхи программӑна Шупашкарти пӗр ҫурт та лекеймен. Халӗ вара Ҫӗнӗ Шупашкарти, Канашри, Ҫӗмӗрлери, Вӑрнар тата Ҫӗрпӳ районӗсенчи 20 ҫурт лекнӗ, вӗсенче 256 ҫын пурӑнать-мӗн.
Вӗсен адресӗ ҫапларах:
Ҫӗнӗ Шупашкар – Силикат урамӗнчи 12-мӗш тата 14-мӗш ҫуртсем;
Вӑрнар – Ашмаров урамӗнчи 6-мӗш тата Путевой урамри 23-мӗш ҫуртсем;
Ҫӗрпӳ – Гагарин урамӗнчи 35-мӗш, Гоголь урамӗнчи 13-мӗш, Ҫаран урамӗнчи 5-мӗш ҫуртсем;
Ҫӗрпӳ районӗнчи Хирти Тукай ялӗнчи Ҫамрӑксен урамӗнчи 13-мӗш ҫурт;
Канаш – Кабалин урамӗнчи 5-мӗш ҫурт;
Ҫӗмӗрле – Киров урамӗнчи 75-мӗш, Красноармейски урамӗнчи 1-мӗш тата 17-мӗш ҫуртсем, Мопр урамӗнчи 23-мӗш, Свердлов урамӗнчи 92-мӗш, 92а, 105-мӗш, Стройучасток урамри 9-мӗш, Тургенев урамӗнчи 17-мӗш, Угольник урамӗнчи 5-мӗш, Францев урамӗнчи 1а ҫуртсем.
Хӗрлӗ Чутай округӗнче бюджет тата социаллӑ сферӑра ӗҫлекенсене социаллӑ найм мелӗпе хваттер уйӑрса панӑ. Нумаях пулмасть хута янӑ ҫӗнӗ ҫуртра ун пекккисем валли 10 хваттер уйӑрнӑ.
Хваттер уҫҫине тивӗҫнисен йышӗнче – вӗрентекенсем, медицина ӗҫченӗсем, йӗрке хуралӗнче тӑрӑшакансем. Палӑртмалла: Хӗрлӗ Чутай округӗ – ятарлӑ ҫурт-йӗр муниципалитет фондне пӗрремӗш йӗркелекенсенчен пӗри.
Ҫӗнӗ Шупашкарта пурӑннӑ пӗр кинемей 2023 ҫултах вилнӗ. Анчах хваттершӗн коммуналлӑ тӳлевпе парӑм пухӑнса пынӑ.
Кинемейӗн хваттерне эткерлӗхе илме тӑванӗсем пулман. Ҫавӑнпа вырӑнти управляющи компани парӑма хула администрацийӗнчен шыраса илме тавӑҫпа суда тухнӑ.
Хваттерӗн хуҫа ҫуккине кура вӑл муниципалитет харпӑрлӑхне куҫать, апла пулсан парӑма унӑнах тӳлесе татмалла — ҫапларах йышӑннӑ суд.
Канашри нумай хваттерлӗ ҫуртсенчен пӗринче ҫурла уйӑхӗн 30-мӗшӗнче юсавсӑр ҫутӑ чейникне пула инкек пулнӑ.
Асӑннӑ хулари Ильич урамӗнчи 7-мӗш ҫуртри икӗ пӳлӗмлӗ хваттер ҫунма тытӑннӑ. Пушар 10 тӑваткал метр лаптӑка сиенленӗ.
Тӗтӗм-сӗрӗм сарӑлнӑ подъездран ҫӑлавҫӑҫем пырса ҫитиччен 20 ҫын урама тухса тӑнӑ.
Пушара сӳнтерме виҫӗ техника пырса ҫитнӗ. Ҫынсем шар курман.
Шупашкарти управляющи компанисенчен пӗрин ҫынсене коммуналлӑ пулӑшушӑн ытларах тӳлеттерес килнӗ. Сӑмах «Новый город» (чӑв. Ҫӗнӗ хула) управляющи компани пирки пырать.
Ҫурт-йӗре тытса тӑнишӗн тӳлемелли тарифа вӑл кӑҫалхи кӑрлач уйӑхӗнчен ӳстерсе янӑ. Ҫӗнӗ йӗрке А.М. Токарев композиторр урамӗнчи 18-мӗш ҫурта пырса тивнӗ. Ун пек йышӑнӑва тӑвиччен управляющи компани хваттерсен хуҫисемпе канашламан.
Республикӑн сурт-йӗр инспекцийӗ управляющи компание ҫынсенчен ытлашши илнӗ укҫана тавӑрса пама хушнӑ. Предприяти ӗҫчене тӗлӗшпе административлӑ ӗҫ пуҫарнӑ.
Шупашкар хула администрацийӗ Граждан урамӗнчи 92-мӗш ҫуртри муниципалл а пӗр хваттерте пурӑнакан арҫынна хваттертен кӑларса яма ыйтса суда тавӑҫпа тухнӑ.
Хваттерте пурӑнакан арҫын хваттере йӑлари тӗрлӗ каяшпа тултарса лартнӑ, унта тирпейсӗр пулнӑ, обойсем ҫӗтелсе пӗтнӗ, таракансем ӗрчесе кайнӑ. Аялти хутра пурӑнакан кӳршисем те ӑна пула шар курнӑ — ун хваттерӗнчен юхса тухнӑ шыв вӗсене сиен кӳнӗ.
Арҫынна шавланӑшӑн, кӳршисене лӑпкӑ пурӑнма кансӗрленӗшӗн пурӗ 320 хутчен административлӑ майпа явап тыттарнӑ. Ҫынсене вӑл вӗлерессипе хӑратнӑ, хваттерӗнче ют ҫӗршыв ҫыннисене регистрациленӗ.
Унта регистрациленне амӑшӗпе хӗре унта пурӑнайман. Ӗҫме юратакан арҫын пррехинче хӗре картлашка ҫинчен сирпӗнтерсе антарса янӑ, пуҫӗпе стенана ҫапнӑ.
Шупашкарта пурӑнакан 57-ри хӗрарӑм саккуна пӑсса укҫа тӑвас тенӗ. Мессенджерсенчен пӗринче вӑл хӑйӗн хваттерӗнче пропискӑна тӑратма килӗшни пирки хыпарланӑ. Унччен те, кайран-малтан та курман-илтмен ҫынсене: виҫӗ хӗре тата виҫӗ ҫамрӑк арҫынна -- Шупашкарти Чернышевский урамӗнчи хваттерне пропискӑна тӑратнӑ.
Вӗсем ӑна хӑйсен паспорчӗсен сӑнӳкерчӗкӗсене ярса панӑ, херарӑм патшалах пулӑшӑвесен порталӗ урлӑ пропискӑна тӑратнӑ. Ҫакӑн пеек туса панишӗн Раҫҫей хӑнисем укҫа тӳленӗ.
Халӗ хӗрарӑм тӗлӗшпе пуҫиле ӗс пуҫарнӑ.
Данный факт был выявлен сотрудниками Центра по противодействию экстремизму МВД по Чувашской Республике совместно с участковыми уполномоченными полиции УМВД России по городу Чебоксары. На время дознания по статье 322.3 Уголовного кодекса Российской Федерации «Фиктивная постановка на учет иностранного гражданина по месту пребывания в Российской Федерации» фигурантке избрана мера процессуального принуждения в виде обязательства о явке. Проверяется ее причастность к совершению аналогичных фактов.
-11.7 °C