Шупашкарти 74 ҫулти хӗрарӑм ултавҫӑсене ӗненсе 3,5 миллион тенкӗ ҫухатнӑ.
Ун патне палламан ҫынсем ҫурла уйӑхӗн вӗҫӗнчех шӑнкӑравланӑ. «Домофон ӗҫлет-и?» – тесе кӑсӑкланнӑ. Ӑна вара чӑнах та юсамалла пулнӑ иккен. Хӗрарӑм смс-ҫырупа килнӗ кода пӗлтернӗ. Кайран ун патне татах палламан ҫынсем шӑнкӑравланӑ. Пӗри ҫӗнӗ телефон туянса тӗрлӗ счет ҫине укҫа куҫарма хушнӑ.
Ҫак кунсенче хӗрарӑм патне «ФСБ ӗҫченӗ» шӑнкӑравланӑ. Хльхинче такамсем пенсионеркӑн хваттерне сутма хӑтланнине хӑратнӑ. Хӗрарӑм кун пирки хӗрне пӗлтермен, тӳрех риэлтор патне ҫул тытнӑ. Вӑл хваттере мӗншӗн сутма палӑртнине ӑна та каламан.
Ултавҫӑсен серепине лекнине ӑнлансан ватӑ хӗрарӑм полицие кайнӑ.
+9.3 °C