Чӑваш Енре рекорд ҫӗнелсех пырать. Юлашки талӑкра 176 ҫын кӑшӑлвируса пула вилнӗ. Кун пирки федераци информаци центрӗ пӗлтерет.
Юлашки талӑкра 18 ҫын чире парӑнтарайман. Юпа уйӑхӗнче 429 ҫын вилнӗ. Кун пекки кӑҫал пулман-ха. Танлаштармашкӑн, кӑрлач уйӑхӗнче 348 ҫын кӑшӑлвирусран вилнӗ. Пандеми пуҫланнӑранпа республикӑра 2742 ҫын ҫак чире пула пурнӑҫран уйрӑлнӑ.
Ку таранччен 37653 ҫын чирленӗ, вӗсенчен 32906-шӗ сывалнӑ. Юлашки талӑкра 161 ҫын сывалнӑ, 176 ҫын инфекциленнине палӑртнӑ. Хальхи вахӑтра стационарсенче тата килте амбулатори мелӗпе 1987 ҫын кӑшӑлвирусран сипленет.
Чӑваш Енре кӑшӑлвируспа чирлекенсем йышлине Чӑваш халӑх сайчӗ те вӗҫӗмех пӗлтерсе тӑрать. Паян республикӑн оперштабӗн черетлӗ ларӑвӗ иртнӗ. Унта Роспотребнадзор управленийӗн пуҫлӑхӗ Надежда Луговская кӑшӑлвируспа чирлисене ҫеҫ мар, вӗсемпе ҫыхӑннӑ ҫынсене те больничнӑй памаллине пӗлтернӗ.
Луговская каланӑ тӑрӑх, лару-тӑрӑва республикӑн Сывлӑх сыхлав министерствин тата Ӗҫ министерствин, ҫавӑн пекех Роспотребнадзорӑн республикӑри управленийӗн пӗрле пулса тишкермелле.
«Больничнӑй панин хисепӗ чирленисен тата вӗсемпе хутшӑннисен йышӗнчен сахалтарах пирӗн», – тенӗ Луговская.
Роспотребнадзор хушӑвӗнче каланӑ тӑрӑх, кӑшӑлвируспа чирленисемпе ҫыхӑннӑ ҫынсене те больничнӑй памалла.
Федераци информаци центрӗ пӗлтернӗ тӑрӑх, юлашки талӑкра Чӑваш Енре 166 ҫын кӑшӑлвируспа чирленӗ. Кӑтурту кунсерен ӳссе пырать. Ку таранччен 37287 ҫын чирленӗ. Вӗсенчен 32574-шӗ сывалнӑ.
Юлашки талӑкра 17 ҫын кӑшӑлвируса пула вилнӗ. Пӗтӗмпе 2706 ҫын каварлӑ чире парӑнтарайман. Ку – чирленисен 7,2 проценчӗ.
Юлашки талӑкра 123 ҫын кӑшӑлвирусран сывалнӑ. Хальхи вӑхӑтра 2007 ҫын кӑшӑлвирусран стационарта е килте сипленет.
Чӑваш Енӗн Сывлӑх сыхлав министерстви республикӑри пульницӑсем юпа уйӑхӗн 30-мӗшенчен тытӑнса чӳк уйӑхӗн 7-мӗшӗччен епле ӗҫлессине пӗлтернӗ.
Ведомство сайтӗнче хыпарланӑ, юпа уйӑхӗн 30-31-мӗшӗсенче вӗсем шӑматкунхи графикпа ӗҫлӗҫ, чӳк уйӑхӗн 1-3-мӗшӗсенче — унчченхи ӗҫ графикӗпе. Чӳк уйӑхӗн 4-мӗшӗнче уяв кунӗ пулнӑ май канӗҫ. Чӳк уйӑхӗн 5, 6, 7-мӗшӗсенче — шӑматкунхи графикпа.
Чӑваш Енре каллех рекорд. Сӑмах – кӑшӑлвирус пирки. Ӗнер 150 ҫын ковидпа чирленине палӑртнӑ. Паян кӑтарту татах ӳснӗ: 159 ҫын.
Ку таранччен республикӑра 37122 ҫын кӑшӑлвируспа чирленӗ. Вӗсенчен 32451-шӗ сывалнӑ. Юлашки талӑкра 107 ҫын чире парӑнтарнине палӑртнӑ.
Юлашки талӑкра 16 ҫын кӑшӑлвируса пула вилнӗ. Ку кӑтарту кунсерен тенӗ пекех ӳссе пырать. Пӗтӗмпе ку таранччен 2689 ҫын кӑшӑлвируса пула вилнӗ. Юпа уйӑхӗнче 376 ҫын чире парӑнтарайман. Танлаштармашкӑн: авӑн уйӑхӗнче 301 пациент сывалайман.
Хальхи вӑхӑтра стационарсенче тата килте амбулатори мелӗпе 1982 пациент кӑшӑлвирусран сипленет.
Чӑваш Енри йӗрке хуралҫисем шалкӑм ҫапнӑ водителе пулӑшнӑ.
Асӑннӑ ҫынпа ҫыхӑнма май ҫук тесе йӗрке хуралҫисене транспорт компанийӗн пуҫлӑхӗ пӗлтернӗ. Вӑл вӗсене каланӑ тӑрӑх, водитель юпа уйӑхӗн 5-мӗшӗнче ҫыхӑнӑва тухма пӑрахнӑ. Ленинград облаҫне каякан машина, геолокаци тӑрӑх пӑхсан, Муркаш районне ҫитнӗ.
РФ ШӖМӗн Муркаш районӗнчи пайӗн оперативлӑ дежурнӑйӗ Алексей Александров шӑнкӑрав пирки ҫав кун службӑра пулнӑ мӗнпур наряда пӗлтернӗ. Прицеплӑ грузовика патшалӑх автоинспекцийӗн аслӑ инспекторӗ, полици лейтенанчӗ Алексей Илларионов федераци ҫулӗ хӗрринчи ялсенчен пӗринче асӑрханӑ. Машина алӑкӗ уҫах пулна, водитель автомобильти ҫывӑрмалли вырӑнта выртнӑ. Тӑнне ҫухатнӑ 59 ҫулти арҫынна васкавлӑ пулӑшу машинипе ҫийӗнчех пульницӑна ӑсатнӑ. Тухтӑрсем арҫыннӑн инсульт пулнине палӑртнӑ.
Транспорт компанийӗн пуҫлӑхӗ каярах йӗрке хуралҫисене тав тунӑ.
Юпа уйӑхӗн 30-мӗшӗнчен тытӑнса чӳк уйӑхӗн 7-мӗшӗччен пирӗн республикӑра канмалли кунсем тесе йышӑннӑ. Тӳрех палӑртар: Олег Николаев Элтеперӗн ҫак йышӑнӑвӗ пурне те пырса тивмӗ.
Суту-илӳ объекчӗсенчен аптекӑсем, ҫыхӑну салонӗсем тата магазинсем ӗҫлӗҫ. Лавккасем тенӗрен, апат-ҫимӗҫ тата куллен кирлӗ тавар сутаканнисем ҫеҫ уҫӑ пулӗҫ.
Вулавӑшсене, театрсемпе кинотеатрсене, мунчасемпе саунӑсене, илем салонӗсемпе фитнес-центрсене, физкультурӑпа сывлӑх комплексӗсене хупса хурӗҫ.
Татти-сыпписӗр ӗҫлекен организацисем (сӑмахран, апат-ҫимӗҫ пӗҫерекенсем, почта, транспорт), больницӑсем хальхиллех тӑрӑшӗҫ. Кафесемпе ресторансене илсен, COVID-free статусӗллисемпе апат-ҫимӗҫе киле леҫсе параканнисем е апата илсе тухмалла сутаканнисем ҫеҫ уҫӑ пулӗҫ.
Республикӑри 9 муниципалитетра канмалли кунсем паянтан пуҫланнӑ. Кунта Улатӑр, Элӗк, Вӑрнар, Красноармейски, Сӗнтӗрвӑрри, Ҫӗмӗрле, Елчӗк районӗсем, Улатӑрпа Ҫӗмӗрле хулисем лекнӗ. Вӗсенче кӑшӑлвирус енчен лару-тӑру уйрӑмах ҫивӗч.
Пандеми пуҫланнӑранпа кун пекки пулман. Чӑваш Енре юлашки талӑкра 150 ҫын кӑшӑлвируспа чирленине палӑртнӑ. Унччен чи пысӑк кӑтарту 147 ҫын пулнӑ.
Республикӑра 36963 ҫын кӑшӑлвируспа чирленӗ. Вӗсенчен 32344-шӗ сывалнӑ. Ку таранччен 2673 ҫын вилнӗ. Юлашки талӑкра кӑшӑлвируса пула 18 ҫыннӑн пурнӑҫӗ татӑлнӑ.
Сывалакансем 95 ҫын пулнӑ. Сӑмах май, юлашки вӑхӑтра ку кӑтарту питӗ пӗчӗк пулнӑ.
Паянхи кун тӗлне стационарсенче тата килте амбулатори мелӗпе кӑшӑлвирусран 1946 ҫын сипленет. Ӗнехинчен 37 ҫын нумайрах.
Ҫӗршывра кӑшӑлвирус инфекцийӗ пысӑк хӑвӑртлӑхпа сарӑлнӑран РФ Сывлӑх сыхлавӗн министерстви харӑсах ковидран тата грипран прививка тума ирӗк панӑ. Кун пирки ведомствӑн пресс-служби пӗлтерет.
«Ку улшӑнусене «Спутник V» вакцинӑпа усӑ курмалли инструкцие кӗртнӗ», - ҫапла пӗлтернӗ министерство. Ведомство хыпарланӑ тӑрӑх, «Спутник V»-на грипран хӳтӗленмелли вакцинӑпа пӗрле тутарсан иммуногенноҫ сыхланса юлать.
Прививкӑсене кӗлеткен тӗрлӗ пайне тума юрать. Тӗслӗхрен, сылтӑм тата сулахай хулпуҫҫирен.
Юпа уйӑхӗнче кӑшӑлвирусран сывалакансен хисепӗ тӑрук чакрӗ. Вилекенсем вара нумай. Ҫак уйӑхра республкӑра 327 ҫын сывалайман. Юлашки талӑкра 14 ҫын кӑшӑлвируса пула вилнӗ. Ку таранччен 2640 ҫын пурнӑҫран уйрӑлнӑ.
Паянхи кун тӗлне 36669 ҫын чирленӗ. Вӗсенчен 32126-шӗ сывалнӑ. Юлашки талӑкра 98 ҫын сывалнине палӑртнӑ. Чирлекенсем вара юлашки талӑкра 144 ҫын пулнӑ.
Хальхи вӑхӑтра стационарсенче тата килте амбулатори мелӗпе кӑшӑлвирусран 1903 ҫын сипленет.
+0.3 °C