Канаш округӗнчи Энтияль ялӗнче васкавлӑ медпулӑшу пациент патне кайнӑ чухне кӗрсе ларнӑ. Вырӑнти халӑхӑн машинӑна юрлӑ лачака ӑшӗнчен кӑларас тесе трактор шырама тивнӗ. Пациента вара алӑпа йӑтса ҫитернӗ.
Паян 13 сехетре васкавлӑ медпулӑшу 92 ҫулти кинемей патне килнӗ. Ачах машина ялта кӗрсе ларнӑ. Ял ҫыннисем вырӑнти администрацирен пулӑшу ыйтас тенӗ, шӑнкӑравланӑ. Анчах телефона никам та тытман. Ҫапла ҫынсем хӑйсемех машинӑна кӑларнӑ, трактор чӗнсе илнӗ.
Кинемее пульницӑна илсе кайнӑ. Анчах ялтан тапранса кайиччен 1 сехете яхӑн иртнӗ. «Администраци телефона сӳнтерсе нимӗн те хуравламарӗ», - теҫҫӗ Энтрияль ҫыннисем.
Ӗнер, авӑн уйӑхӗн 5-мӗшӗнче, Канаш районӗнче икӗ машина ҫапӑннӑ. Иккӗшӗн те водителӗсем пульницӑна лекмеллех аманса пӗтнӗ.
Пӑтӑрмах каҫхи ултӑ сехетре «Ҫӗрпӳ-Чӗмпӗр» ҫул ҫинче, Канаш районӗнчи Энтрияль ялӗ тӗлӗнче пулса иртнӗ. «Киа Селтос» автомашина груз турттаракан «Хендай» автомобильпе ҫапӑннӑ.
Чӑваш Енӗн Шалти ӗҫсен министерствинче малтанласа пӗлтернӗ тӑрӑх, кроссовер водителӗ хирӗҫ килекен ҫул ҫине тухса кайнӑ.
«Киа» рульне тытса пынӑ Мари Элти 33 ҫулти водитель аманнӑ, ӑна пульницӑна илсе кайнӑ. Грузовикра ларса пынӑ 35 ҫулти пассажир та аманнӑ.
Канаш муниципаллӑ округӗнче паян ирхине тӳре-шарасен ларӑвӗ иртнӗ. Вӗсем ку тӑрӑхри лару-тӑрӑва сӳтсе явнӑ. Чи пӗлтерӗшлӗ ыйтусен шутӗнче ҫуркунне ҫывхарнӑ май ейӳ тухасси пулнӑ. Муниципаллӑ округӑн пуҫлӑхӗ Сергей Михайлов ҫавна май пӗвесемпе тӗрлӗ каналсене тӗрӗслесе тухма хушнӑ.
Ларура ытти ыйтусене те сӳтсе явнӑ. Тӗслӗхрен, Канаш тӑрӑхӗнче иртнӗ эрнере ӗҫсӗррисен йышӗ ӳсни пирки чарӑнса тӑнӑ. Ку тӗлӗшӗпе ӗҫпе тивӗҫтерекен центра уйрӑмах Чакаҫ, Асхва, Шӑхасан, Энтрияль территори пайӗсенчен нумай килнӗ.
Шӑхасан территори пайӗн начальникӗ Дмитрий Руссков регион шайӗнчи ҫулсем япӑх пулни пирки, ку ыйтӑва тӗрӗслесех тӑни пирки чарӑнса тӑнӑ. Ялсене ҫыхӑнтаракан ҫулсем те йӗркеллех мар.
Ларӑва вӗҫленӗ май Сергей Михайлов ҫапла каланӑ: «Хисеплӗ коллегӑсем, ҫуркунне календарьпе кӑна мар ҫитрӗ, ҫанталӑк та ӑшӑта пуҫларӗ. Ҫавна май гидротехника сооруженийӗсем ейӗве хатӗррине лайӑх тӗрӗслемелле, лару-тӑру инкеке ҫаврӑнмалла мар, пӗтӗмпех йӗркеллӗ ирттӗр».
Куславкка хулинче республикӑри хуткупӑсҫӑсен фестиваль-конкурсӗ иртнӗ. «Чувашские переливы» (чӑв. Чӑваш юрри-ҫемми) ятпа йӗркеленӗскере тӗрлӗ районпе хулара, ялпа поселокра пурӑнакан сакӑр теҫетке ытла ӑста пухӑннӑ. Вӗсем пӗр-пӗринпе ӑмӑртмалла хуткупӑспа хитре каланӑ, такмакланӑ.
Хуткупӑсҫӑсене хаклама пуҫтарӑннӑ сумлӑ тӳресем Канаш районӗнчи Энтриялӗнчи культура ҫуртӗнче ӗҫлекен Александр Никоноров пултарулӑхне уйрӑмах пысӑк хак панӑ. Фестиваль-конкурсра ҫӗнтернӗ ӑстана хуткупӑс туянма сертификат тыттарнӑ.
Чӑваш Енре чи хӑтлӑ вырӑнсене палӑртнӑ. Конкурс кӑҫалхи ҫу уйӑхӗнчен пуҫласа чӳк уйӑхӗччен тӑсӑлнӑ.
Чи хӑтлӑ территорсенчен пӗрремӗш вырӑна Йӗпреҫри пӗтӗмӗшле пӗлӳ паракан шкул-интернат тухнӑ, иккӗмӗшне – Етӗрне хулинчи «Росинка» ача пахчи; виҫҫӗмӗшне – Шӑмӑршӑри «Аленушка» ача пахчисем.
Чечек тата кану вырӑнӗсем йӗркелессипе Елчӗкри Иванов урамӗнчи тӗп лапам чи хитри тесе хакланӑ, иккӗмӗшӗнче — Йӗпреҫ районӗнчи Хурамалти кану вырӑнӗ, виҫҫӗмӗшӗнче – Ҫӗрпӳ районӗнчи культура тата вулавӑш центрӗ.
Урамсенчен Комсомольски районӗнчи Чӗчкен ялӗнчи Бауман урамӗ — пӗрремӗш вырӑнта, Улатӑр районӗнчи Кивӗ Эйпеҫри Шкул урамӗ — иккӗмӗшӗнче, Патӑрьел районӗнчи Пӑлапуҫ Нурӑсри Пахча урамӗ – виҫҫӗмӗшӗнче.
Нумай хваттерлӗ ҫуртсенчен пӗрремӗшӗнче — Куславккари Герцен урамӗнчи 10-мӗш ҫурт, иккӗмӗшӗнче – Йӗпреҫ районӗнчи Шӑрттанти Кӑтӑр урамӗнчи 40-мӗш ҫурт, виҫҫӗмӗшӗнче – Ҫӗмӗрлери Урицкий урамӗнчи 6-мӗш ҫуртӑн 1-мӗш корпусӗ.
Уйрӑм ҫуртсенчен пӗрремӗш вырӑнта — Етӗрнери Калинин урамӗнче пурӑнакан В.Г.Курочкин хуҫалӑхӗ, иккӗмӗшӗнче – Куславкка районӗнчи Энтрияльӗнчи В.
Ӗнер, авӑн уйӑхӗн 18-мӗшӗнче, А-151 автоҫулӑн 31-мӗш ҫухрӑмӗнче виҫӗ машина ҫапӑннӑ. Салонри ҫичӗ пассажир шар курнӑ. Тухтӑрсем палӑртнӑ тӑрӑх, вӗсен пуҫ мими чӗтреннӗ, сурансем пур. «Маздӑри» — икӗ аслӑ ӑрури ҫын тата ача шар курнӑ, «Лада Калинӑн» водителӗ тата виҫӗ пассажирӗ аманнӑ.
Авари Канаш районӗнчи Энтриял ялӗ ҫывӑхӗнче пулнӑ. Малтанлӑха пӗлтернӗ тӑрӑх, «Лада Калина» хӑрушсӑрлӑх дистанцине пӑхӑнман, «Киа Рио» машинӑпа ҫапӑннӑ. Унтан «Лада» транспорт хирӗҫ килекен ҫул ҫинелле тухса кайнӑ та «Маздӑпа» ҫапӑннӑ.
Вӑрмар районӗнче пурӑнакан 52 ҫулти хӗрарӑм, шкулта вӗрентекенре тата депутатра ӗҫлекенскер, саккун умӗнче явап тытӗ.
Ӑна ҫынна хӗненӗшӗн айӑпласшӑн. Следстви материалӗсенче палӑртнӑ тӑрӑх, ку 2015 ҫулхи юпа уйӑхӗн 13-мӗшӗнче Вӑрмар районӗнчи Энтрияль ялӗнче пулнӑ. Шкулта ачасене вӗрентекен, ҫав вӑхӑтрах депутат ӗҫне пурнӑҫлакан хӗрарӑм упӑшкине тепӗр хӗрарӑм ҫумне кӗвӗҫнӗ.
Ҫапла депутат хӗрарӑмпа ҫапӑҫса кайнӑ, ӑна пуҫӗнчен икӗ хут ҫапнӑ, унтан ҫӳҫӗнчен ярса тытнӑ та тӗксе янӑ. Лешӗ ӳкнӗ.
Халӗ ку ӗҫе суда ярса панӑ.
Вӑрмар районӗнчи энтрияльсем ҫӗртме уйӑхӗн юлашки шӑматкунне ял уявне паллӑ тӑвассине йӑлана кӗртнӗ. Уява Энтрияльти культура ҫурчӗн культйӗркелӳҫи З.Н.Григорьева уҫнӑ. Унтан ял тӑрӑхӗн пуҫлӑхӗ И.А.Яковлев сӑмах илнӗ. Ун хыҫҫӑн ял старости тата ыттисем тухса калаҫнӑ.
Район администрацийӗнчен килнӗ Николай Павлов уяв йӗркелӳҫисене тав хучӗсемпе чысланӑ. Унтан спорт ӑмӑртӑвӗсем пуҫланнӑ. Чи маттуррисем 60, 200 метрсене чупса ӑмӑртнӑ. Кайран михӗре сикнӗ, кире пуканӗ йӑтнӑ.
Ӑмӑртусене ял халӑхӗ кӑна мар, тӳре-шара та хутшӑннӑ. Ҫӗнтерӳҫӗсене парнесемпе хавхалантарнӑ. Энтрияльсене саламламашкӑн чӑваш эстрада артисчӗсем те килнӗ.
Уява кашниех килте пӗҫӗрнӗ апат-ҫимӗҫ илсе килсе сӗтел ҫине лартнӑ.
Сӑнсем (118)
Ӗнер Канашра Культура ҫулталӑкне халалласа ача-пӑчан республика шайӗнчи харӑсах пилӗк фестиваль-конкурсӗ иртнӗ. «Ҫӗр пин тӗрӗ ҫӗршывӗнче» ятпа чӑваш тӗррин конкурсне йӗркеленӗ, «Пӗчӗк ҫеҫ путене» фольклор ушкӑнӗсене пухнӑ, хореографи ушкӑнӗсем «Салам, Тӗнче» ятлине пуҫтарӑннӑ, художество ӳнерӗ енӗпе ӑмӑртакансем «Черчен чечексене» пырса ҫитнӗ, юрӑ ӑстисем — «Уҫӑ саслӑ ачалӑха».
Асӑннӑ мероприятисене культура ҫурчӗсенчи, вӑтам пӗлӳ паракан тата тата ӳнер шкулӗсенчи ачасем пухӑннӑ. Канаш районӗсем те айккинче юлман. Унти Сиккассинчи, Энтрияльӗнчи, Шелттӗмри, Янкӑлчри, Аччари, Ҫеҫпӗлти, Вӑрӑмпуҫри тата ял тӑрӑхӗсенчи, районти Культура ҫуртӗнчи ушкӑнсем хутшӑннӑ.
Фестивале йӗркелекенсем ачасем хушшинче тӗрлӗ халӑхӑн йӑли-йӗркине чӗртсе тӑратма тата сарма пулӑшасса шанаҫҫӗ.
+2.3 °C