Нарӑсӑн 26-мӗшӗнче чи хӑтлӑ ял тӑрӑхӗсен конкурсӗн ҫӗнтерӳҫисене палӑртнӑ. Ӑна пӗлтӗрхи кӑтартусене шута илсе ирттернӗ. Унта 20 тӑрӑх хутшӑннӑ. Пӗлтӗр вара сахалрах — 13 ҫеҫ хутшӑнма кӑмӑл тунӑ.

Унччен конкурса хуласен хушшинче ҫеҫ ирттернӗ. Кӑҫал ҫӗнтерӳҫӗсене хавхалантармашкӑн республика хыснинчен 1 миллион тенкӗ уйӑрнӑ. Ял тӑрӑхӗсем унпа тӗллевлӗн усӑ курӗҫ: хӑйсем пурӑнакан вырӑна татах хӑтлӑлатӗҫ.

Кӑҫал конкурсра 100 пин ҫын таран пурӑнакан хула округӗсен йышӗнче Вӑрнар поселенийӗ мала тухнӑ. Иккӗмӗш вырӑнта — Ҫӗмӗрле хули, виҫҫӗмӗшӗнче — Вӑрмар тӑрӑхӗ.

II категорире Кӳкеҫ ял тӑрӑхӗ малти вырӑна йышӑннӑ. Иккӗмӗшпе виҫҫӗмӗш вырӑнсене Пӑрачкав ял тӑрӑхӗпе Комсомольски ял тӑрӑхӗ пайланӑ.

III категорире мала Элӗк ял тӑрӑхӗ тухнӑ, иккӗмӗшне — Шупашкар районӗнчи Кӑшавӑш ял тӑрӑхӗ, виҫҫӗмӗшне — Комсомольски районӗнчи Тукай ял тӑрӑхӗ.

IV категорире Шупашкар районӗнчи Ҫӗньял ял тӑрӑхӗ, Етӗрне районӗнчи Мӑн Явӑш ял тӑрӑхӗ, Комсомольски районӗнчи Хирти Сӗнтӗр ял тӑрӑхӗ малти вырӑнсене йышӑннӑ.

#Ҫӗмӗрле, #Вӑрмар, #Вӑрнар, #Шупашкар районӗ, #Кӳкеҫ ял тӑрӑхӗ, #Пӑрачкав ял тӑрӑхӗ, #Комсомольски ял тӑрӑхӗ, #Элӗк ял тӑрӑхӗ, #Кӑшавӑш ял тӑрӑхӗ, #Элӗк районӗ, #Тукай ял тӑрӑхӗ, #Комсомольский районӗ, #Ҫӗньял ял тӑрӑхӗ, #конкурссем, #Етӗрне районӗ, #Мӑн Явӑш ял тӑрӑхӗ, #Хирти Сӗнтӗр ял тӑрӑхӗ