Илья Львов хӑйӗн хурҫӑ урхамахӗпе

Ҫӗрпӳ районӗнчи шкул ачи, 4-мӗш класра вӗренекен Илья Львов, Киров облаҫӗ мотокросс енӗпе йӗркеленӗ кубокӑн иккӗмӗш тапхӑрӗнчен медальпе тата чемпион пулса таврӑннӑ. Йӗкӗт 12 ҫулти тантӑшӗсемпе 65 кубла сантиметрлӑ цилиндрлӑ мотоциклпа ӑмӑртса мала тухнӑ.

Икӗ урапаллӑ тимӗр урхамах рулӗ умне ача пуҫласа ҫиччӗре чухне ларнӑ. Кӗске вӑхӑтрах вӑл ҫитӗнӳ хыҫҫӑн ҫитӗнӳ тума тытӑннӑ. Халичченхи ҫӗнтерӳпе ҫырлахасшӑн мар-мӗн вӑл.

Ильян тренерӗ — Андрей Артемьев. Вӑл хавхалантарса вӗрентсе пынипе тӑрмашакан ача ҫитес вӑхӑтра Ҫӗрпӳ ярмӑрккине хутшӑнма хатӗрленет. Пасар курассишӗн мар — унта йӗркелекен ӑмӑртура мотоциклистсемпе тупӑшассишӗн.

#Ҫӗрпӳ районӗ, #ҫитӗнӳсем, #ачасем, #Киров облаҫӗ