Следстви комитечӗ тунӑ сӑн

Пӗрле пурӑннӑ хӗрарӑма хӗнесе вӗлернӗ те кайран виллине ейӳ шывӗпе тулнӑ тӗп сакайне пенӗ. Кун пек тискер тӗслӗх Етӗрне округӗнчи Кӑмаккасси ялӗнче пулнӑ.

Куншӑн 64 ҫулти арҫыннӑн уйрӑм режимлӑ колонире 8 ҫул ларма тивӗ. Суд тата следстви ҫирӗплетнӗ тӑрӑх, ака уйӑхӗн 5-мӗшӗнче арҫын ӳсӗр пулнӑ. Пӗрле пурӑннӑ хӗрарӑмпа хирӗҫсе кайсан ӑна 30 хутран кая мар ҫапнӑ. Лешӗ кӑштахран вилнӗ.

Кун хыҫҫӑн арҫын хӗрарӑм виллине тӗп сакайне пенӗ. Унта вара ейӳ шывӗ пулнӑ. Ҫапла вӑл хӗрарӑм сарӑмсӑр вилнӗ пек туса яваплӑхран тарма хӑтланнӑ.

Палӑртмалла: арҫын унччен те ҫакнашкал преступленишӗн явап тытнӑ.

#пӑтӑрмахсем, #Етӗрне районӗ, #Кӑмаккасси, #судсем