max.ru/progorod21 каналта вырнаҫтарнӑ сӑнӳкерчӗк

Ыран Шупашкарта Антон Бабиковпа тӗл пулма май килӗ.

Антон Бабиков — биатлон енӗпе тӗнче чемпионӗ. Вӑл Шупашкарта ыран, ҫӗртме уйӑхӗн 19-мӗшӗнче, биатлона юратакансемпе тӗлпулу ирттерӗ.

Паллӑ спорстменпа тӗл пулас тесен Олимп резервӗн 2-мӗш спорт шкулне 15 сехет валли каймалла. Вӗренӳ заведенийӗ Станци ҫумӗн урамӗнчи 10В ҫуртра вырнаҫнӑ. Тӗлпулу унти конференц-залра иртӗ.

Антон Бабиков Пушкӑртстанран, вӑл 1991 ҫулхи ҫурла уйӑхӗн 2-мӗшӗнче Епхӳ хулинче ҫуралнӑ. 11 ҫулта вӑл йӗлтӗр секцине ҫырӑннӑ, анчах спортӑн ку енӗпе аталанма майсем ҫителӗксӗр пулнӑран тепӗр ҫулхине вӑл биатлон енӗпе пултарулӑха туптама тытӑннӑ.

Антон Бабиков ҫемьеллӗ, вӑл — ача ашшӗ.

#спорстменсем, #биатлон, #Шупашкар, #тӗлпулусем, #шкулсем, #Пушкӑртсан, #Ӗпхӳ