Елчӗк районӗнче пурӑнакан 47 ҫулти арҫын алимент тӳлесшӗн пулман. Ҫул ҫитмен ачана пулӑшса тӑмалли пирки ун тӗлӗшпе суд йышӑнӑвӗ те пулнӑ-ха, апла пулин те вӑл тӑван тӗпренчӗкне ним вырӑнне те хуман — ӑна укҫа-тенкӗпе пулӑшман.

Суд приставӗсем парӑма шырама хӑтланса пӑхнӑ-ха, анчах арҫын пӗрех тӳлемен. Ҫапла майпа унӑн парӑмӗ 506 пин тенке ҫитсе кайнӑ.

Явапсӑр ашшӗ тӗлӗшпе РФ Пуҫиле кодексӗн 187-мӗш статйин 1-мӗш пайӗпе пуҫиле ӗҫ пуҫарнӑ. Ҫавӑн хыҫҫӑн унран 300 пин тенкӗ шыраса илме май килнӗ.

РФ Пуҫиле кодексӗн 187-мӗш статйин 1-мӗш пайӗпе пуҫиле ӗҫ пӑхса тухнӑ чухне суд арҫын парӑмӑн пӗр пайне тӳлесе татнине шута илсе ӑна 180 сехет ӗҫлеттерме йышӑннӑ.

#пӑтӑрмахсе, #судсем, #укҫа-тенкӗ, #яваплӑх, #ҫемьесем