vk.com/mincult21 сӑнӳкерчӗкӗсемпе усӑ курса хатӗрленӗ коллаж

Иртнӗ эрнере Чӑваш Енӗн Правительство ҫуртӗнче республика Элтеперӗ патшалӑх наградисене тивӗҫнисене чысланӑ. Ҫав йышра икӗ артист пулнӑ.

«Атӑл Опера» театрӑн балет солистне Анна Серёгинӑна «Чӑваш Республикин халах артисчӗ» ят панӑ.

Чӑваш патшалӑх ҫамрӑксен театрӗн артистне Владимир Свинцова «театр ӳнерӗнчи тава тивӗҫлӗ ӗҫсемшӗн тата нумай ҫул тухӑҫлӑ ӗҫленӗшӗн» «Чӑваш Республикин тава тивӗҫлӗ артисчӗ» ят пама юпа уйӑхӗн 30-мӗшӗнчи Хушӑвӗпе йышӑннине эпир унччен пӗлтернӗччӗ-ха.

«Ку саманта эпӗ тахҫанах кӗтнӗ. Ӗҫӗме пысӑка хурса хакланӑшӑн калама ҫук телейлӗ», — тенӗ Владимир Свинцов. Вӑл, сӑмах май каласан, Кӳкеҫрен.

#артистсем, #театрсем, #культура, #ӳнер, #чыславсем, #Элтепер, #Кӳкеҫ