Кирилл Степанов архивӗнчи сӑн

Кӑҫал Элӗк округӗнчи ҫамрӑк фермер, блогер Кирилл Степанов тата «Чӑваш Енри мӗнпур ял» проект авторӗ Максим Соколов «Айда по деревням» (чӑв. «Атя ялсем тӑрӑх») пӗрлехи проект пуҫарнӑ. Халӗ лайӑх хыпар ҫитнӗ: вӗсен ӗҫӗ Пӗтӗм Раҫҫейри «Раҫҫейре тунӑ» премин шорт-листне кӗнӗ.

Ку – хӑйне евӗр интереслӗ проект: унта хутшӑнакансем Чӑваш Енри хитре вырӑнсемпе, ялти пурнӑҫпа ҫывӑхрах паллашаҫҫӗ, вырӑнти чӑвашсен апат-ҫимӗҫне тутанса кураҫҫӗ, экзотика чӗрчунӗсен фермине кайса кураҫҫӗ. Ку кӑна мар, сыр та пӗҫерме вӗренеҫҫӗ.

Пирӗн ентешсен проекчӗшӗн ҫакӑнта сасӑлама пулать: vk.cc/cR0V3j.

#Элӗк районӗ, #проектсем, #фермерсем, #блогерсем