cap.ru сӑнӳкерчӗкӗ

Авӑн уйӑхӗн 1-мӗшӗнчен Шупашкарти шкулсенче апатлану хакӗ ӳсет. Хушӑва хула пуҫлӑхӗ Владимир Доброхотов алӑ пуснӑ.

1-4 классем валли ирхи апат 40-рен 49 тенке ҫитӗ, кӑнтӑрлахи – 90-ран 110 тенке.

5-11-мӗш классенче вӗренекенсем ирхи апатшӑн 50 мар, 61 тенкӗ тӳлеме тытӑнӗҫ. Кӑнтӑрлахи апатшӑн 100 тенкӗ вырӑнне 122 тенкӗ кӑларса хума тивӗ.

Палӑртмалла: пӗлтӗрхи вӗренӳ ҫулӗпе танлаштарсан, хаксем 49-74 процент ӳснӗ.

#вӗренӳ, #хаксем, #Шупашкар, #шкулсем, #апатлану